नाशिक : नवीन वर्षाच्या अगदी सुरुवातीलाच येणाऱ्या संक्रातीच्या सणात आणि त्याच्याही बरेच आधीपासून बाजारात पतंग आणि त्यासाठी लागणार मांजा विक्रीसाठी येतो. बऱ्याचदा हा मांजा नायलॉनचा असल्याने तो असंख्य पक्षांसाठी धोकादायक ठरतो. या हानिकारक नायलॉन मांजाचा वापर करू नये यासाठी प्रयत्न केले जात आहेत.

दोन वर्षात ६६ पक्षांचे मृत्यू तीनशेवर जखमी

पतंग उडविण्याच्या नायलॉन मांजामुळे दोन वर्षात 66 पक्षांचा मृत्यू तर तीनशेहून अधिक पक्षी जखमी झालेले आहेत. नागरिकांनी जागरूक होऊन मकर संक्रांतीच्या पंतगबाजीचा आनंद मुक्या पक्षी जीवांच्या मृत्यूचे कारण ठरणार नाही याची खबरदारी घ्यावी असे आवाहन नाशिक पश्चिम विभागाचे उपवनसंरक्षक पंकज कुमार गर्ग यांनी केले आहे.

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश  

हानिकारक नायलॉन वापर करू नये 

नायलॉन मांजा पक्षी तसेच माणसासाठी देखील घातक आहे. नागरिकांनी जबाबदारी स्वीकारून नायलॉन मांजा न वापरण्याबाबत जनजागृती करावी.‘नायलॉन मांजा हद्दपार करूया, निसर्गाचा अस्सल दागिना सुरक्षित ठेवूया’ अशी शपथ प्रत्येक शाळेतील विद्यार्थ्यांनी घेऊन नायलॉन मांजावर बहिष्कार टाकण्याचे आवाहन गर्ग यांनी केले आहे. 

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप

प्रशासन उदासीन 

मकरसंक्रांतीपूर्वीच युवक आणि मुलांमध्ये पतंग उडविणे सुरु होते. दरम्यान बाजारातही पतंगांसह विविध प्रकारचा मांजा विक्रीस आला आहे. नायलॉन मांजा विक्रीस प्रतिबंध असला तरी त्याची जोरदार विक्री होताना दिसून येते.  त्यासोबतट नागरिक आणि पक्षी जखमी होण्याचे प्रकारही समोर येत आहेत. प्रशासन मात्र नायलॉन मांजाविक्रीस आळा घालण्यास उदासीन दिसत आहे.