नाशिक : साहिल खरे याच्यासह कालिदास वाघमारे व अमोल उर्फ बाळु कंकाळ (दोघे रा. संत कबीरनगर) हे तिघे बांधकाम सुरू असलेल्या इमारतीच्या गच्चीवर बसलेले होते. त्यावेळी नेम धरुन गजाने विजेच्या तारेला कोण मारतो, अशी तिघांमध्ये पैंज लागली. यात दोघा संशयितांपैकी एकाने गज विजेच्या तारेवर मारला. त्यानंतर जे काही झाले ते धक्कादायक होते.

असा घडला प्रकार... 

गंगापूर रोड परिसरातील संत कबीरनगर येथील समाज मंदिराजवळील मंगल कंकाळ यांच्या घराच्या गच्चीवर मंगळवारी (ता.7) हा प्रकार घडला. साहिल खरे याच्यासह कालिदास वाघमारे व अमोल उर्फ बाळु कंकाळ (दोघे रा. संत कबीरनगर) हे तिघे बांधकाम सुरू असलेल्या इमारतीच्या गच्चीवर बसलेले होते. त्यावेळी नेम धरुन गजाने विजेच्या तारेला कोण मारतो, अशी तिघांमध्ये पैंज लागली. यात दोघा संशयितांपैकी एकाने गज विजेच्या तारेवर मारला. तारेला गज लागल्याने स्पार्किंग झाली. त्यातून उडालेल्या ज्वलनशिल थिणग्या साहिलच्या अंगावर पडल्या. यात साहिल 75 टक्के गंभीररित्या भाजला होता. त्यास तातडीने जिल्हा रुग्णालयात दाखल केले, मात्र उपचारादरम्यान त्याचा रविवारी (ता.12) मृत्यु झाला.

नक्की बघा > PHOTOS : अकराव्या वर्षी समजले किन्नर झाल्याचे...अन् थेट झाली लोकांची आयडॉल!

सदोष मनुष्यवधाचा गुन्हा

विजेच्या तारेला गजाने मारण्याची पैज 17 वर्षीय युवकाच्या जीवावर बेतली.  याप्रकरणी गंगापूर पोलिसात संशयित कालिदास व अमोल यांच्याविरोधात गुन्हा दाखल करण्यात आला आहे. या घटनेत गंभीररीत्या भाजल्याने साहिल अशोक खरे (17) याचा उपचारादरम्यान रविवारी (ता.12) जिल्हा रुग्णालयात मृत्यू झाला. विजेच्या तारेला गज मारल्याने उडालेल्या थिणग्यातून गंभीररित्या भाजलेल्या युवकाचा उपचारादरम्यान मृत्यु झाला. याप्रकरणी दोघांविरोधात सदोष मनुष्यवधाचा गुन्हा दाखल करण्यात आला आहे. 

हेही बघा >  धरणावर वनभोजन करताना दोन विद्यार्थी गायब...शोध घेतल्यास धक्काच!..