लासलगाव (नाशिक) : सकाळी अकरा वाजेच्या सुमारास रफिक नवाजखान पठाण दुचाकीने जात होते. अचानक नायलॉन मांजा त्यांच्या नाकात अडकल्यामुळे धारदार मांजाने त्यांचे क्षणार्धात नाक कापले गेले. अन् नंतर...वाचा काय घडले? 

अशी घडली घटना

निमगाव वाकडा रोडवर असलेल्या राजवाडा परिसरात ही घटना घडली.  लासलगाव येथील पिंजार गल्ली येथील रफिक नवाजखान पठाण हे रविवारी सकाळी अकराच्या दरम्यान त्यांच्या दुचाकीवरून राजवाडा परिसरातून जात असताना अचानक नायलॉन मांजा रफिक पठाण यांच्या नाकात अडकल्यामुळे धारदार मांजाने त्यांचे क्षणार्धात नाक कापले गेले. नायलॉन मांजाने नाकाच्या स्नायू व रक्तवाहिनी तुटल्याने संबंधितावर तातडीने शस्त्रक्रिया करावी लागली. या वेळी जवळच उभ्या असलेल्या त्यांच्या पुतण्याने तातडीने त्यांना येथील खासगी दवाखान्यात उपचारासाठी दाखल केल्यानंतर डॉक्टरांनी त्यांच्या नाकावर शस्त्रक्रिया केली. यात त्याच्या नाकावर २५ टाके टाकले. 

हेही वाचा >  नाशिकच्या गुलाबी थंडीत हॅलिकॉप्टरने अचानक आमीर खानची एंट्री होते तेव्हा..!..

नायलॉन मांजा विक्रेत्यांवर कारवाईची गरज 

नायलॉन मांजा विक्रीवर बंदी आहे. त्यानंतरही शहर व परिसरात नायलॉन मांजाची सर्रास विक्री होते. पठाण यांच्यावर बेतलेला प्रसंग गांभीर्याने घेऊन स्थानिक प्रशासनाने नायलॉन मांजा विक्रेत्यांवर कडक निर्बंध आणून त्यांच्यावर कारवाई करण्याची गरज निर्माण झाली आहे. 

हेही वाचा > जिल्हाधिकारी चक्क कार्यालय सोडून 'जोडप्याला' भेटतात तेव्हा..!...