येवला (जि.नाशिक) : येवला कृषी उत्पन्न बाजार समितीतील ११ दिवसांच्या सुट्ट्यांनंतर सोमवारी (ता. ५) कांदा लिलाव पूर्ववत सुरू झाले. मात्र लाल व उन्हाळ कांदा बाजारभावात घसरण झाल्याने शेतकऱ्यांना मोठा भुर्दंड सहन करावा लागला.
शेतकऱ्यांना मोठा भुर्दंड
बाजार समितीच्या येवला मुख्य बाजार आवारात सोमवारी ९०० ट्रॅक्टरमधून सुमारे २८ हजार क्विंटल लाल व उन्हाळ कांद्याची आवक झाली. ११ दिवसांपूर्वी येवला बाजार समितीत लाल कांद्यास प्रतिक्विंटल किमान ४०० ते कमाल एक हजार ५० (सरासरी ८००) रुपये असे बाजारभाव होते. सोमवारी लाल कांदा किमान व सरासरी बाजारभावात शंभर रुपये, तर कमाल बाजारभावात १८५ रुपयांची घसरण झाली. लाल कांद्यास प्रतिक्विंटल किमान ३०० ते कमाल ८६५ (सरासरी ७००) रुपये असा बाजारभाव मिळाला. येथे उन्हाळ कांद्यास प्रतिक्विंटल किमान ४०० ते कमाल ९८५ (सरासरी ७५०) रुपये असा बाजारभाव होता.
येवल्यात कांदा बाजारभावात घसरण
अंदरसूल उपबाजार आवारात ३०० रिक्षा, पिक-अप आणि २५० ट्रॅक्टरमधून सुमारे नऊ हजार क्विंटल कांदा आवक झाली. येथे लाल कांद्यास किमान ३०० ते कमाल ८०० (सरासरी ६५०) रुपये बाजारभाव मिळाला.
हेही वाचा - Success Story : दृष्टिबाधित ज्ञानेश्वरची भरारी! मेहनत, चिकाटी व स्वकष्टातून बनला बँक अधिकारी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.