नाशिक : (सिडको) मला शिवसेनेतून काढण्याचा अधिकार फक्त शिवसेनाप्रमुख पदावरच्या व्यक्तीलाच. मी शिवसेनेच्या कुठल्याही पदावर नाही, मी केवळ " शिवसेनाप्रमुख बाळासाहेब ठकारेंचा शिवसैनिक" आहे. असा दावा शिवसेनेचे माजी विभाग प्रमुख सुधाकर जाधव यांनी यांनी केला आहे.
जिल्हाप्रमुख, महानगरप्रमुखांत नाराजी
रस्त्याच्या पाहणीसाठी भाजपाचे महापौर सतीश कुलकर्णी दौऱ्यावर आले असता, श्री. जाधव यांनी शिवसेनेचे नगरसेवक भागवत आरोटे यांनी आपले पैसे द्यावेत यासाठी श्री जाधव यांनी नगरसेवक आरोटेंना शिवीगाळ केली होती. वादाचे रुपांतर बाचाबाचीत होऊन परिसरात मोठी गर्दी झाली. यासंदर्भात नगरसेवक भागवत आरोटे व स्थानिक नागरिक सुधाकर जाधव यांच्यावर परस्परविरोधी अदखलपात्र गुन्हा दाखल करण्यात आला होता. जिल्हाप्रमुख विजय करंजकर आणि महानगरप्रमुखांनी नाराजी व्यक्त करीत, बेशिस्तपणा खपवून घेणार नाही. श्री जाधव यांचा शिवसेनेशी काहीही संबंध नाही. असल्यास त्यांची शिवसेनेतून हाकालपट्टी करण्यात आली आहे, असे पत्रक दिले होते.
माझे म्हणणे ऐकून घेणे आवश्‍यक
यासंदर्भात श्री. जाधव यांनी आज पत्रकार परिषद घेतली. ते म्हणाले, माझा वाद हा नगरसेवक भागवत आरोटे याच्याशी आहे. तो शिवसेना "पक्षा'शी संबंधित नाही. शिवसेनेवर माझी कोणतीही नाराजी नाही. मी शिवसेनेविषयी काहीही बोलणार नाही. नगरसेवक भागवत आरोटे यांनी माझे लाखो रुपये बुडविले आहे. माझे पैसे परत न केल्याने अन् योगायोगाने नगरसेवक आरोटे समोर आल्याने वाद झाला. त्यामुळे या वादात शिवसेना पक्षाचा कुठल्याही प्रकारचा संबंध नव्हता. माझ्यावर कारवाई करण्यापूर्वी जिल्हाप्रमुख व महानगरप्रमुख यांनी माझे म्हणणे ऐकून घेणे आवश्‍यक होते. त्यामुळे या एकतर्फी निर्णयाला मी मानत नाही.
मी केवळ बाळासाहेबांचा शिवसैनिक असून मला काढण्याचे अधिकार केवळ शिवसेनाप्रमुख या पदाला आहे, दुसऱ्या कोणालाही नाही. श्री. जाधव व नगरसेवक आरोटे यांच्यातील वाद व शिविगाळ सोशल मिडीयावर चांगलीच व्हायरल झाली आहे. त्यानंतर श्री. जाधव यांनी शिवसेनेचे जिल्हाप्रमुख, मगानगरप्रमुखांनी घेतलेल्या निर्णयालाही आव्हान दिले आहे. त्यामुळे आणखी काही दिवस यावरुन राजकीय वाद- विवाद रंगण्याची चिन्हे आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.