कळवण (जि.नाशिक) : नगरपंचायतच्या दुसऱ्या सार्वत्रिक निवडणुकीसाठी मंगळवारी (ता.१०) काढलेल्या आरक्षण सोडतीत शहरातील मातब्बर नेत्यांसह नगराध्यक्षा, उपनगराध्यक्ष यांचे प्रभाग आरक्षित झाल्याने त्यांना अन्य प्रभागांतून निवडणूक लढवावी लागणार आहे. तर विद्यमान सहा नगरसेवकांना आरक्षणामुळे पुन्हा संधी मिळणार आहे. 

सहा नगरसेवकांना पुन्हा संधी 
नगरपंचायतीच्या १७ सदस्य संख्येसाठी कळवणचे सहाय्यक जिल्हाधिकारी विकास मीना व मुख्याधिकारी डॉ. सचिन पटेल यांच्या प्रमुख उपस्थितीत नगरपंचायत कार्यालयात आरक्षण काढण्यात आले. नगराध्यक्षा रोहिणी महालेसह नगरसेवक, शहरातील नेते, विविध पक्षांचे पदाधिकारी, कार्यकर्ते, सामाजिक कार्यकर्ते उपस्थित यावेळी होते. आरक्षणाची माहिती प्रशासकीय अधिकारी बंगाळ यांनी दिली तर प्रभाग आरक्षणाची चिठ्ठी हर्ष दुर्गेश कायस्थ या बालकाने काढली. 

हेही वाचा > नाशिकच्या गुलाबी थंडीत हॅलिकॉप्टरने अचानक आमीर खानची एंट्री होते तेव्हा..!..

प्रभागांसाठी आरक्षण सोडत

अनुसूचित जातीसाठी २ जागा राखीव असून प्रभाग क्र. १० व १४ हे प्रभाग चक्रानुक्रमे आरक्षित झाल्याने चिठ्ठीद्वारे प्रभाग क्र. १४ हे अनुसूचित जातीसाठी तर प्रभाग क्र.१० अनुसूचित जाती स्त्री साठी राखीव झाले. अनुसूचित जमातीसाठी प्रभाग क्र.२ व ६ हे अनुसूचित जमाती स्त्री राखीव झाले असून निवडणूक निर्देशनुसार चिठ्ठी सोडत न काढता प्रभाग क्र .३ व १६ हे अनुसूचित जमातीसाठी आरक्षित करण्यात आले. नागरिकांचा मागास प्रवर्गासाठी प्रभाग ११ व १७ आरक्षित तर प्रभाग १२, १३ व १५ हे नागरिकांच्या मागास प्रवर्ग स्त्रीसाठी राखीव झाले. 

हेही वाचा > जिल्हाधिकारी चक्क कार्यालय सोडून 'जोडप्याला' भेटतात तेव्हा..!...

असे आहे आरक्षण 
प्रभाग १ - सर्वसाधारण स्त्री, प्रभाग २ - अनुसूचित जमाती स्त्री, प्रभाग ३ - अनुसूचित जमाती, प्रभाग ४- सर्वसाधारण 
प्रभाग ५- सर्वसाधारण, प्रभाग ६- अनुसूचित जमाती स्त्री, प्रभाग ७-सर्वसाधारण स्त्री, प्रभाग ८- सर्वसाधारण, प्रभाग ९-सर्वसाधारण स्त्री, प्रभाग १०-अनुसूचित जाती स्त्री, प्रभाग ११-नागरिकांचा मागास प्रवर्ग, प्रभाग १२-नागरिकांचा मागास प्रवर्ग स्त्री, प्रभाग १३-नागरिकांचा मागास प्रवर्ग स्त्री, प्रभाग १४-अनुसूचित जाती, प्रभाग १५-नागरिकांचा मागास प्रवर्ग स्त्री, 
प्रभाग १६-अनुसूचित जमाती, प्रभाग १७-नागरिकांचा मागास