नाशिक : गेल्या वर्षी दहावीच्‍या परीक्षेत लेखी परीक्षेच्या आधारे संपूर्ण मूल्‍यांकन झाल्याने विभागाचा निकाल ७७.५८ टक्‍के लागला. त्‍यापूर्वीचे तीन वर्षे सातत्‍याने ८५ टक्क्‍यांपुढे निकाल लागलेला असल्‍याने परीक्षा पद्धतीतील बदलाचा सर्व स्‍तरावरून विरोध झाला होता. त्‍यात या वर्षी पुन्हा दहावीच्या निकालाच्या टक्‍केवारीने उसळी घेतली आहे. त्याचे हे कारण तर नाही? वाचा सविस्तर बातमी

कोरोनाच्‍या प्रादुर्भावामुळे सरासरी गुणदान

पूर्वी दहावीसाठी वीस गुणांची तोंडी परीक्षा घेतली जायची. परंतु गेल्‍या वर्षी परीक्षा पद्धतीत बदल करण्यात आला. त्‍यानुसार मूल्‍यमापन पद्धतीत तोंडी परीक्षेचा समावेश नव्‍हता व केवळ लेखी परीक्षेवर आधारीरित निकाल जाहीर केला होता. यातून गेल्‍या वर्षी विभागाचा निकाल ७७.५८ टक्‍के लागला. मात्र तोंडी परीक्षा रद्द करण्याच्‍या निर्णयाचा विरोध झाल्‍यानंतर मार्च २०२० मध्ये पुन्‍हा तोंडी परीक्षा व लेखी परीक्षेवर आधारित गुणदान करण्यात आले. तर भूगोलाच्या पेपरसाठी कोरोनाच्‍या प्रादुर्भावामुळे सरासरी गुणदान केले. यातून यंदा निकालाच्‍या टक्‍केवारीत वाढ झाली. 

९९.९९ टक्‍के विद्यार्थी 
सामाजिक शास्‍त्रात उत्तीर्ण
 
विभागात सामाजिक शास्‍त्र विषयात तब्‍बल ९९.९९ टक्‍के विद्यार्थी उत्तीर्ण झाले. त्‍यापाठोपाठ कठीण समजल्‍या जाणाऱ्या इंग्रजी विषयात ९९.४४ टक्‍के विद्यार्थी उत्तीर्ण झाले. तर गणित विषयात ९६.२४ टक्‍के, विज्ञान विषयात ९६.५९ टक्‍के विद्यार्थी उत्तीर्ण झाले. मराठी प्रथम भाषेत ९४.८७ टक्‍के, मराठी द्वितीय, तृतीय भाषेत ९८.४९ टक्‍के, ऊर्दू भाषेत ९४.३६ टक्‍के, हिंदी प्रथम भाषेत ९५.८५ टक्‍के, हिंदी द्वितीय व तृतीय भाषेत ९३.३५ टक्‍के, इंग्रजी द्वितीय व तृतीय भाषेत ९४.१९ टक्‍के विद्यार्थी उत्तीर्ण झाले. 

हेही वाचा > झोळीत असतानाच नियतीने हिरावले पितृछत्र...आज त्याच लेकीच्या यशाने माऊलीच्या होते डोळ्यात आनंदाश्रू

गेल्‍या चार वर्षांतील नाशिक विभागाचा निकाल असा- 
वर्ष निकाल 

मार्च २०१६ ८९.६१ टक्‍के 
मार्च २०१७ ८७.७६ टक्‍के 
मार्च २०१८ ८७.४२ टक्‍के 
मार्च २०१९ ७७.५८ टक्‍के 

हेही वाचा > घरखर्च भागविण्यासाठी वडिलांसोबत लावले पिको-फॉल...भाग्यश्रीच्या यशाने आईच्या कष्टाला कोंदण! 

संपादन - किशोरी वाघ