नाशिक : नाशिक शहरात पोलिस आयुक्तालयाच्या कार्यक्षेत्रात सोमवारी (ता. २८) नायलॉन मांजामुळे मान कापली जाऊन दुचाकीस्वार महिलेचा मृत्यू झाल्यानंतर प्रशासन व्यवस्था जागी झाली आहे.शहर पोलिसांनी शहरात २८ जानेवारीपर्यंत नायलॉन मांजा वापराला प्रतिबंध करण्याचा मनाई आदेश काढला आहे. उपायुक्त विजय खरात यांनी या संदर्भातील अधिसूचना काढली. 

त्यानुसार शहरात उपाय म्हणून पतंग उडविण्यासाठीच्या मांजासाठी नायलॉन दोरा निर्मिती, ज्या माजाला काचेचे कोटिंग आहे, त्याच्या साठा व वापरावर मनाई करण्यात येत आहे. मकरसंक्रांतीनिमित्त शहरात उडविल्या जाणाऱ्या पतंगांना वापरण्यात येणारा मांजा नायलॉन दोऱ्याचा असल्याचे निदर्शनास आले आहे.

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप

असा वन्य पशुपक्षांसाठी धोकादायक

पतंग उडविताना दोन पतंगांत पेज झाल्याने तुटलेला दोरा झाडे व इमारतीमध्ये अडकतो व त्यामुळे वन्य पशुपक्षी जखमी होण्याचे प्रमाण वाढत आहे. तसेच या मांजामुळे रस्त्याने जाणारे दुचाकी वाहनचालक व शाळेतील सायकलवरील विद्यार्थी हे अपघात होऊन जखमी होऊ शकतात. नायलॉन मांजा तुटला जात नाही व त्याचा नाशही होत नसल्याने तो पर्यावरणाससुद्धा हानिकरक ठरत आहे. त्यामुळे अशा मांजा वापराच्या आदेशाचे उल्लंघन करणाऱ्या व्यक्तीवर भारतीय दंडसंहिता १९६० या कायद्याच्या कलम १८८ नुसार कारवाई होणार आहे. 

हेही वाचा - सावधान! आतापर्यंत पक्ष्यांच्या जिवावर बेतणारे प्रकार आता माणसांवरही; महिलेचा बळी