नाशिक : गेल्या वर्षी आलेल्या महापुरात संपूर्ण घरात पाणी गेले. परंतु इच्छा असली की मार्गही दिसतो. अभ्यासात व्यत्यय नको म्हणून महापुरानंतर दोन महिने मावशीकडे राहून त्‍याने अभ्यासात खंड पडू दिला नाही. पण यशाला गवसणी केलीच...

इच्छा तेथे मार्ग असतोच...

घारपुरे घाट इथं राहणारा रितेश भोपाळे मेहनती पण परिस्थिती बेताची. वडील वडापाव विक्री दुकानात कामगार, त्‍यात लॉकडाउनमुळे उपासमारीची वेळ आल्‍याने किराणा दुकानात कामाला सुरवात केली. अडथळ्यांची शर्यत पार करत रितेशने ९७.२० टक्के गुण मिळविले आहेत. रितेश बिटको बॉईज स्कूलमधील विद्यार्थी आहे. गेल्या वर्षी आलेल्या महापुरात संपूर्ण घरात पाणी गेले. परंतु इच्छा असली की मार्गही दिसतो. अभ्यासात व्यत्यय नको म्हणून महापुरानंतर दोन महिने मावशीकडे राहून त्‍याने अभ्यासात खंड पडू दिला नाही. 

मुलाच्या शिक्षणासाठी बापाची धडपड

वडापाव विक्री दुकानात कामगार असलेल्या अजय भोपाळे यांना शिक्षण घेता आले नाही. परंतु मुलाने उत्तम शिक्षण घ्यावे हे स्वप्न रितेशच्या वडिलांचे होते. वडिलांची धडपड बघताना, रितेशनेही पहिल्‍या दिवसापासून अभ्यासात सातत्‍य ठेवले. यादरम्‍यान अनेक अडचणींचा सामना त्‍याने केला. रोज सहा तास अभ्यास करताना त्‍याने दहावीत घवघवीत यश मिळविले आहे. 

हेही वाचा > घरखर्च भागविण्यासाठी वडिलांसोबत लावले पिको-फॉल...भाग्यश्रीच्या यशाने आईच्या कष्टाला कोंदण! 

वडील रोज घेत असलेल्‍या कष्टांची जाणीव होती. भविष्यात वाणिज्य शाखेत शिक्षण घ्यायचे आहे. दहावी अतिशय छोटी पायरी असून, भविष्यातही असेच कष्ट घेण्याची तयारी आहे. - रितेश भोपाळे 

हेही वाचा > झोळीत असतानाच नियतीने हिरावले पितृछत्र...आज त्याच लेकीच्या यशाने माऊलीच्या होते डोळ्यात आनंदाश्रू

संपादन - किशोरी वाघ