नाशिक : कोरोना विषाणूचा प्रादुर्भाव पंधरा वर्षांखालील मुले व पन्नासपेक्षा अधिक वय असलेल्या नागरिकांना लवकर होत असल्याचे शासनापासून डॉक्टरांपर्यंत सर्वजण बोलत असल्याने आतापर्यंत अतिआत्मविश्वासाने वावरणाऱ्या २० ते ४० वयोगटातील तरुणांना कोरोनाचा सर्वाधिक प्रादुर्भाव झाल्याचे महापालिकेच्या सर्वेक्षणातून स्पष्ट झाले आहे. त्यामुळे आता तरुण असले तरी नियमात वागा, असे सांगण्याची वेळ महापालिकेवर आली आहे.
शून्य ते दहा वयोगटातील मुलांची रोगप्रतिकारशक्ती कमी
शहरात कोरोनाचा शिरकाव झाला, त्या वेळी सोशल मीडियासह विविध वाहिन्यांवरून कोरोना प्रसाराचे विश्लेषण करण्यात आले. त्यात वयोगटानुसार सर्वेक्षण करण्यात आले. शून्य ते दहा वयोगटातील मुलांची रोगप्रतिकारशक्ती कमी असल्याने त्यांना घराबाहेर पडू देऊ नका, कायम हात धुण्याची सवय लावा, असे सांगण्यात आले. सुरवातीला साठपेक्षा अधिक वयोगटातील व्यक्तींनीही बाहेर न पडता घरामध्येच काळजी घेण्याचे आवाहन करण्यात आले. त्यामुळे पंधरापेक्षा कमी वय असलेले व साठपेक्षा अधिक वय असलेल्या नागरिकांमध्ये भीती निर्माण होऊन काळजी घेण्याचे प्रमाण या वयोगटात अधिक वाढले.
सर्वाधिक रुग्ण २० ते ४० वयोगटातील
नवीन निकषानुसार ४१ ते ५१ वयोगटालादेखील अधिक धोका असल्याचे सांगण्यात आल्याने हा वयोगटही सावध झाला. परंतु आपल्याला धोका कमी असल्याचा जागतिक आरोग्य संघटना व शासनाच्या निर्देशाचा हवाला देत २० ते ४० वयोगटातील मोठा वर्ग घराबाहेर बिनधास्त वावरू लागला. परिणामी ६ एप्रिल ते २३ जुलैपर्यंतच्या आकडेवारीत आतापर्यंत सहा हजार ७९३ कोरोनाबाधित रुग्ण आढळले. त्यात सर्वाधिक रुग्ण २० ते ४० वयोगटातील असल्याचे आढळले. त्यांची संख्या दोन हजार ७५३ असून, टक्केवारीत हे प्रमाण ४५ पेक्षा अधिक आहे.
ही आहेत प्रमुख कारणे
२० ते ४० वयोगटातील तरुण वर्ग घराबाहेर पडल्यानंतर तोंडाला मास्क लावताना आढळत नाही. तोंडावर मास्क असला तरी तो तोंडाऐवजी गळ्याभोवती गुंडाळलेला दिसतो. गर्दीत जाणे, दुचाकीवर डबलसीट फिरणे, बाहेरील खाद्यपदार्थ खाणे, व्यसनाधीनता आदी कारणांमुळे तरुण कोरोनाच्या मगरमिठीत सापडत आहे.
२० ते ४० वयोगटातील तरुण वर्ग अतिआत्मविश्वासाने गर्दीत वावरत असल्याने त्यांना कोरोनाचा संसर्ग होताना दिसत आहे. त्यामुळे शासनाने ठरवून दिलेल्या निर्देशानुसार नियम पाळावेत. - राधाकृष्ण गमे, आयुक्त, महापालिका
हेही वाचा > कोरोनाचा भयानक काळ...अशातही 'तिने' क्षणाचाही विलंब न लावता दिला पार्थिवाला खांदा! काय घडले वाचा
(संपादन - किशोरी वाघ)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.