नाशिक : नोकराकडून वारंवार पैसे घेऊन आणि त्याच्या नावावर कर्ज काढून मालक फरारी झाला. त्याचा मानसिक त्रास सहन न झाल्याने विषारी औषध सेवन करून नोकराने आत्महत्या केली. याप्रकरणी जोपर्यंत संशयितांना अटक केली जात नाही तोपर्यंत मृतदेह ताब्यात घेणार नसल्याचा पवित्रा त्याच्या कुटुंबीयांनी घेतला होता. मात्र संशयितांवर कारवाई करण्याचे आश्‍वासन मिळाल्यानंतर त्याच्या मृतदेहावर अंत्यसंस्कार करण्यात आले. 

नोकराने मांडली चिठ्ठीतून व्यथा...

चव्हाटा भागातील चर्मकार लेन येथील जयेश एखंडे (वय 28) असे नोकराचे नाव आहे. पोलिसाना पंचनाम्यादरम्यान जयेशने लिहिलेली चिठ्ठी सापडली होती. त्यात त्याने मालक राहुल इसराणी याने वेळोवेळी त्याच्याकडून उसनवारी पैसे घेतले होते. इतकेच नव्हे, तर त्याच्या नावावर कर्जही काढले होते. काही महिन्यांपासून संशयित राहुल फरारी झाला आहे. संशयिताचा भाऊ कमलेश इसराणी आणि मेहुणा प्रवीण बैस यांनीच राहुलला गायब केल्याचे चिठ्ठीत लिहिले आहे. त्याचा मानसिक त्रास होत असल्याने आत्महत्या करत असल्याचे चिठ्ठीतील मजकुरात म्हटले आहे. 

हेही वाचा > अजितदादांच्या मातोश्री म्हणतात.."त्रिमुर्तींचे सरकार टिकू दे..!" 

पोलिसांनी त्यांची समजूत काढण्याचा प्रयत्न केला

भद्रकाली पोलिस जिल्हा रुग्णालयात जयेशच्या कुटुंबीयांची वाट पाहत थांबले होते. बराच वेळ होऊनही कुणी येत नसल्याने त्यांच्याशी संपर्क साधला असता, त्यांनी त्यांचे म्हणणे मांडले. पोलिसांनी त्यांची समजूत काढण्याचा प्रयत्न केला. वरिष्ठ पोलिस अधिकारी, कर्मचाऱ्यांनी संशयितांवर निश्‍चित कारवाई केली जाईल. त्यांच्यावर गुन्हा दाखल करून अटक करणार असल्याचे आश्‍वासन दिले. 

हेही वाचा > थरारक! "तू चल नाही तर ठार करिन"..कानपट्टीवर पिस्तूल लावत 'त्याची' लग्नाची गळ..