सिडको (नाशिक) : स्वखर्चाने ऑक्सिजन सिलिंडर देऊन गरजू रुग्णांचे प्राण वाचण्याचे काम येथील सामाजिक कार्यकर्ते किरण राजवाडे करीत आहेत. त्यांच्या कार्याबाबत रुग्णाच्या नातेवाइकांनी समाधान व्यक्त केले आहे.
स्वखर्चाने गरजूंना 'प्राणवायू' देऊन जीवनदान
सिडकोतील सामाजिक कार्यकर्ते किरण राजवाडे हे शक्य असेल त्या परिस्थितीमध्ये ऑक्सिजन सिलिंडर देण्याचे कार्य करीत आहे. नुकतेच राजवाडे यांचे मित्र राज मोरे यांचे मोठे भाऊ अमित मोरे यांना किरण राजवाडे यांनी प्राणवायू देऊन जीवनदान दिले. सावतानगर येथील अमित यांना दोन दिवसापासून ऑक्सिजन सिलिंडर मिळत नव्हते. किरण राजवाडे यांनी ऑक्सिजन सिलिंडर स्वतः भरून देत उपलब्ध करून दिले. राजवाडे यांच्या सहकार्याबद्दल मोरे कुटुंबीयांनी आभार व्यक्त केले.
ऑक्सिजन बेड मिळत नव्हता. सामाजिक कार्यकर्ते किरण राजवाडे यांना संपर्क साधला, त्यांनी तत्काळ ऑक्सिजन सिलिंडर उपलब्ध केले. यामुळे भावाचे प्राण वाचले.- राज मोरे, रुग्णाचे बंधू
काही दिवसांपासून ज्यांना आवश्यकता भासेल अशा रुग्णांना घरपोच ऑक्सिजन सिलिंडर देण्याचे काम करत आहे. तात्पुरत्या स्वरूपात का होईना अशा रुग्णांना मदत होत आहे.- किरण राजवाडे, सामाजिक कार्यकर्ते, सिडको
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.