नाशिक : कोरोना विषाणूविरोधात लढा देण्यासाठी पोलिस-डॉक्‍टर हेच फ्रंटलाईनवर होते. त्यांच्या धैर्याचीच परीक्षा होती. त्यासाठी सकारात्मक मानसिकता आणि शारीरिक सुदृढताही तितकीची महत्त्वाची होती. मात्र हा लढा देत असताना प्रत्येकाच्या आरोग्याची सुरक्षितताही गरजेची होती. त्यासाठीच गोक्वीच्या मनगटी घडयाळंमुळे पोलिसांना त्यांच्या आरोग्याची क्षमता वा निगा राखणे सोपे झाल्याचे सांगत, सिनेअभिनेता अक्षयकुमार आणि गोक्वी सीईओ विशाल गोंडल यांचे पोलिस आयुक्त विश्‍वास नांगरे-पाटील यांनी शहर पोलिस कर्मचाऱ्यांतर्फे आभार मानले.
पोलिसच रिअल हिरो
सिनेसृष्टीमध्ये आम्ही "रिळ-हिरो' असून खऱ्यार्थाने पोलिस खरे हिरो आहेत. कोरोनाविरोधात फ्रंटलाईनवर पोलिस होते. सततचा जनसंपर्क होता. अज्ञात व अदृश्‍य शत्रुविरोधात त्यांना लढावे लागते आहे. अशावेळी त्यांची मानसिकता आणि शारीरिक क्षमता टिकून राहणे खूप गरजेचे होते. अशावेळी पोलिसांना त्यांच्या आरोग्याची किमान माहिती मिळू शकेल असे डिव्हाईस या घड्याळात आहे. त्यामुळे सतर्कता बाळगणे शक्‍य झाले आहे. "कोरोना के साथही जीना है' असे म्हणत अक्षयकुमार याने पोलिसांसह नाशिककरांनो काळजी घ्या, सुरक्षित रहा. - अक्षयकुमार, सिनेअभिनेता
मोटिव्हेशन ठरले फायद्याचे
कोरोनाविरोधातील लढा हा मानसिक अधिक होता. त्याची कल्पना आल्यापासून शहर पोलिस आयुक्तालयातील अधिकाऱ्यांपासून पोलिस कर्मचाऱ्यांची मानसिकता सकारात्मक कशी राहील यादृष्टीने सातत्याने संवाद साधला. आरोग्य सदृढतेसाठी पोषक आहारासह आरोग्याची निगा कशी राखणार याबाबत सातत्याने सांगितले. आता तर या घड्याळ्याच्या माध्यमातून प्रत्येकाची आरोग्याची माहिती नियंत्रणकक्षाला मिळते. त्यामुळे कोणाला ताप असेल, रक्तदाब आणि हृदयाचे पल्स कमी-जास्त झाले तर तात्काळ त्या अधिकारी-कर्मचाऱ्यास डॉक्‍टरांकडे पाठविले जाते. त्यामुळे पहिल्या तीन लॉकडाऊनमध्ये एकही शहर पोलिस कर्मचाऱ्यास कोरोनाची लागण झाली नाही. अनलॉक झाल्यानंतर फक्त एकच पोलिस कर्मचारी बाधित झाला. मोटिव्हेशन आणि आहार-व्यायामामुळे शक्‍य झाले. - विश्‍वास नांगरे-पाटील, पोलिस आयुक्त.
हेही वाचा > नाशिकमधील 'हे' गाव झालयं चक्क मुंबईतील धारावी.. कोणाचा कुठे ताळमेळ बसेना
ऑनलाईन उद्घाटन : अक्षयकुमार, विशाल गोंडल, विश्‍वास नांगरे-पाटील
नाशिक शहर पोलिस आयुक्तालयातील साडेतीन हजार पोलिस अधिकारी-कर्मचाऱ्यांच्या हातावर आरोग्यासंदर्भातील महत्त्वाची माहिती देणारे बॅण्ड घडयाळ बांधण्यात आले आहेत. या घड्याळांशी संलग्न असलेल्या डॅशबोर्ड आणि त्याची ऑनलाईन पद्धतीचे उद्घाटन अक्षयकुमार यांच्या हस्ते उद्घाटन ऑनलाईन करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.