नाशिक / चांदवड : आमदार नरेंद्र दराडेंच्या कुटुंबाबाबतचे उदाहरण ताजे असतानाच चांदवड येथील या रुग्णांच्या नातेवाइकांनी मात्र याबाबत संताप व्यक्त केला, तर वैद्यकीय क्षेत्रातील तज्ज्ञांच्या मते अगोदर एखाद्या रुग्णाचा कोरोना अहवाल पॉझिटिव्ह आला अन् दोन-तीन दिवसांनी त्याच रुग्णांचे अहवाल निगेटिव्ह येणे ही गोष्ट सर्वसाधारण आहे.

अनेक ठिकाणी उलटसुलट चर्चा सुरू

कोरोनाच्या पॉझिटिव्ह निगेटिव्ह अहवालावर सर्वत्र शंका व्यक्त केली जात असतांना जिल्ह्यात देखील आता याची उदाहरणे समोर येवू लागली आहे. त्यामुळे याबाबत जिल्ह्यातील अनेक ठिकणी उलटसुलट चर्चा सुरू झाली आहे. यातच चांदवड तालुक्यातील चौघांचा अहवाल दोन दिवसापूर्वी शासकीय प्रयोगशाळेतून पॉझिटिव्ह आला होता. तर खासगी प्रयोगशाळेत त्यांचा अहवाल निगेटिव्ह आला. दोनच दिवसात अहवाल पॉझिटिव्हचे निगेटिव्ह अलल्याने याबाबत संबंधितांना संताप व्यक्त केला.

रुग्णांच्या नातेवाइकांकडून संताप व्यक्त

 चांदवड तालुक्यातील पाच नागरिकांचा अहवालन दोन दिवसांपूर्वी पॉझिटिव्ह आला होता. त्यानंतर दोन दिवसांत या पाच पॉझिटिव्ह रुग्णांचा अहवाल निगेटिव्ह आल्याने तालुक्यात आता उलटसुलट चर्चा सुरू झाली. आमदार नरेंद्र दराडेंच्या कुटुंबाबाबतचे उदाहरण ताजे असतानाच चांदवड येथील या रुग्णांच्या नातेवाइकांनी मात्र याबाबत संताप व्यक्त केला, तर वैद्यकीय क्षेत्रातील तज्ज्ञांच्या मते अगोदर एखाद्या रुग्णाचा कोरोना अहवाल पॉझिटिव्ह आला अन् दोन-तीन दिवसांनी त्याच रुग्णांचे अहवाल निगेटिव्ह येणे ही गोष्ट सर्वसाधारण असल्याचे सांगत लोकांनी घाबरून जाण्याचे कारण नसल्याचे स्पष्ट केले. मात्र दोन दिवसांत पॉझिटिव्ह अहवाल निगेटिव्ह आल्याने तालुक्यात उलटसुलट चर्चा सुरू झाल्या आहेत.

या चौघांना कोणतीही लक्षणे नव्हती
तालुक्याील एका कोरोनाबाधिताच्या संपर्कात आल्याने खडकजांब (ता. चांदवड) येथील चार जणांना ट्रेस करण्यात आले होते. या चौघांना कोणतीही लक्षणे नव्हती. केवळ पॉझिटिव्ह रुग्णाच्या संपर्कातील असल्याने त्यांचे स्वॅब चांदवडच्या वैद्यकीय अधिकाऱ्यांनी घेतले होते. तसेच वडनेरभैरव येथील एका संपर्कातील व्यक्तीचेदेखील नमुने तपासणीसाठी पाठविण्यात आले होते. या पाचही जणांचे अहवाल रविवारी (ता. २६) पॉझिटिव्ह आले होते.

हेही वाचा > झोळीत असतानाच नियतीने हिरावले पितृछत्र...आज त्याच लेकीच्या यशाने माऊलीच्या होते डोळ्यात आनंदाश्रू

शासकीय अहवालावर प्रश्नचिन्ह उपस्थित

यातील खडकजांब येथील चार जणांनी त्यांना कोणतीही लक्षणे नसल्याने खात्री करण्यासाठी लगेचच मुंबई येथील एका खासगी लॅबमध्ये त्यांच्या घशातील स्वॅबचे नमुने तपासणीसाठी पाठविले. त्याचा अहवाल सोमवारी निगेटिव्ह (ता. २७) आल्याने त्यांनी शासकीय अहवालावर प्रश्नचिन्ह उपस्थित करत संताप व्यक्त केला. वडनेरभैरव येथील रुग्णाच्या स्वॅबचे नमुने चांदवडच्या वैद्यकीय अधिकाऱ्यांनी मंगळवारी (ता. २८) पुन्हा तपासणीसाठी पाठविली असता त्याचा अहवाल बुधवारी (ता. २९) निगेटिव्ह आला. रुग्णांचे अहवाल एका ठिकाणी पॉझिटिव्ह आणि दुसरीकडे निगेटिव्ह असल्याने तालुक्यात उलटसुलट चर्चा सुरू झाली.

हेही वाचा > VIDEO : आश्चर्यच! एकीकडे रुग्णांसाठी खाटांची वणवण...अन् दुसरीकडे आयसोलेशन कोचेसचा प्रशासनाला विसर?

घाबरून जाऊ नये.

कोणीही शासकीय प्रयोगशाळेच्या अहवालावर संशय घेऊन घाबरून जाऊ नये. लक्षणे नसताना पॉझिटिव्ह आलेला अहवाल दोन-तीन दिवसांनी निगेटिव्ह येऊ शकतो. शासकीय यंत्रणा याबाबत गांभीर्याने काम करीत आहे.-डॉ. उत्कर्ष दुधेडिया, अस्थिरोगतज्ज्ञ, तथा जिल्हा नोडल अधिकारी

संपादन -्ज्योती देवरे