नाशिक : मुख्यमंत्री एकनाथ शिंदे यांच्या वाढदिवसानिमित्त बाळासाहेबांच्या शिवसेनेतर्फे रिक्षा सौंदर्य स्पर्धेचे आयोजन करण्यात आले होते. स्पर्धेत पंचवटीतील उमाकांत प्रभाळे यांच्या रिक्षाने प्रथम क्रमांक मिळविला. हुतात्मा अनंत कान्हेरे मैदानावर स्पर्धा झाली. (Prabhales rickshaw stood first in rickshaw beauty competition nashik news)

पालकमंत्री दादा भुसे, पक्षाचे सचिव भाऊसाहेब चौधरी, सहसंपर्कप्रमुख राजू लवटे, जिल्हाप्रमुख अजय बोरस्ते, महिला आघाडी जिल्हा संघटक लक्ष्मी ताठे, महिला आघाडी महानगरप्रमुख अश्विनी देशमाने, युवासेना महानगरप्रमुख दिगंबर नाडे यांच्या हस्ते पारितोषिक वितरण झाले.

महानगरप्रमुख प्रवीण तिदमे यांनी स्पर्धा भरविली होती. नाशिकसह पुणे, मुंबई, सोलापूर, कोल्हापूर, ठाणे या जिल्ह्यातून ३३८ रिक्षा सहभागी झाल्या. नाशिक विभागातून २१ हजार रुपयांचे प्रथम बक्षिस पंचवटीतील उमाकांत प्रभाळे यांच्या रिक्षाला मिळाले.

हेही वाचा : संतुलित आहारातून रोखा फॅटी लिव्हरचा आजार

प्रमोद कडजेकर यांना दुसरा, सागर चौधरी तिसरा, श्रीपाद जाधव चौथ्या, तर सागर क्षत्रिय यांना पाचवे बक्षिस मिळाले. उत्तेजनार्थ पारितोषिक गोकूळ तांबडे, अनिल अष्टेकर, सुनील जोशी, चंद्रकांत पाटील, वसीम शेख, अजित गांगुर्डे यांना देण्यात आले.

मुंबई विभागातून इम्तियाज शेख यांना प्रथम, तर हनिफ शेख यांना द्वितीय पारितोषिक देण्यात आले. पश्चिम महाराष्ट्र विभागातून कोल्हापूरच्या सुनील नाळे यांनी प्रथम, तर अविनाश दिंडे यांच्या रिक्षाने द्वितीय पारितोषिक दिले.