नाशिक / येवला : रेशनकार्ड, जातीचा दाखला काढायचा कसा हेच माहीत नाही, तेव्हा मिळणार कसा? म्हणून नादच सोडून दिलेल्या पुरणगाव येथील आदिवासी बांधवाला वयाच्या चाळिसाव्या वर्षी रेशनकार्ड व जातीचा दाखला मिळाला. आणि गरजूच्या डोळ्यांतून आनंदाश्रू तरळले. वाचा काय घडले?

रेशनकार्ड अन् जातीचा दाखला चाळिशीत हाती 
पुरणगाव येथील ज्ञानेश्वर वाघ यांना रेशनकार्ड व दाखल्याची गरज असताना कागदपत्रे पूर्तता करणे शक्य होत नव्हते. त्यामुळे कार्यालयात चकरा मारूनही उपयोग होत नव्हता. त्यामुळे सभापती गायकवाड यांनी स्वतः सर्व कागदपत्रे करून पाठपुरावा करून त्यांना जातीचा दाखला व त्यांच्या मुलांचे जातीचे दाखले, रेशनकार्ड स्वतः काढून दिले. आता त्या कुटुंबाला शबरी घरकुलाचाही लाभ देणार आहेत. सभापती कार्यालयात येणाऱ्या प्रत्येक माणसाला न्याय देण्यासाठी व त्याचे काम पूर्ण होण्यासाठी सभापतींकडून पाठपुरावा केला जातो. पंचायत समितीचे सभापती प्रवीण गायकवाड यांनी पुढाकार घेऊन अडचणी दूर करत दाखला अन् रेशनकार्ड मिळवून दिला. 

आदिवासी समाजबांधव आजही आले आहेत. त्यामुळे शासकीय कागदपत्रांची पूर्तता करताना त्यांची अडचण होते. म्हणूनच अशा गरजूंना रेशनकार्ड व दाखले मिळवून देण्यासाठी मी पुढाकार घेतला असून, अशा गरजूंनी अडचण होत असल्यास माझ्याशी संपर्क साधावा. -प्रवीण गायकवाड, सभापती 

हेही वाचा > गोणीतून चिमुरड्याचा आवाज येताच ते थबकले...अमानवीय घटनेने नागरिकांत संताप

पुरणगावातील आदिवासी बांधवाला सभापती प्रवीण गायकवाड यांचा आधार 

आमच्यासाठी गायकवाड यांचे काम देवदूतासारखे असल्याची भावना या वेळी वाघ व सहकाऱ्यांनी व्यक्त केली. दाखला, रेशनकार्ड देताना ज्ञानेश्वर वाघ, बाळू पवार, सचिन कुराडे, महेश उगावकर, खंडू बहिरम, साईनाथ गाडे, रमेश शेळके, दत्तू शेळके, श्रावण काळे, सुरेश शिंदे, बाळासाहेब गायकवाड आदी उपस्थित होते. 

हेही वाचा > धक्कादायक! कोरोनाबाधित मृतदेह नातेवाईकांना काढून नेण्यास सांगितले; वैद्यकीय अधीक्षकांनी मागविला खुलासा

संपादन - ज्योती देवरे