नाशिकरोड : नाशिकचे पोलिस आयुक्त दीपक पांडे यांनी नाशिकरोड येथील वाढत्या गुन्हेगारीच्या पार्श्वभूमीवर उपनगर व नाशिकरोड पोलीस स्टेशनची पाहणी केली. यावेळी त्यांनी नाशिक रोड पोलीस निरीक्षकांसह अधिकाऱ्यांची कानउघडणी करत 'बिजली तुमचे एक नंबर वरून लास्ट नंबर वर आले आहे' अशा शब्दांमध्ये पोलीस आयुक्त दीपक पांडे यांनी पोलीस निरीक्षक बिजली यांना खडे बोल सुनावले.

नाशिक रोड पोलिस निरीक्षकांची कान उघडणी

गेल्या दोन महिन्यांपासून गावठी कट्टे, कोयते, तलवारी मोठ्या प्रमाणावर सापडत आहे. चोऱ्या-माऱ्या, दरोडे, खुनाच्या घटना ही मोठ्या प्रमाणावर होत आहे. याच पार्श्वभूमीवर नाशिकचे पोलिस आयुक्त दीपक पांडे यांनी नाशिक रोड, उपनगर पोलीस स्टेशनला भेट देत गुन्हेगारीचा आढावा घेतला. यामध्ये पांडे यांनी नाशिक रोड पोलिस स्टेशन येथील जुन्या इमारतीची पाहणी केली. या पाहण्यात त्यांनी 'बिजली तुमचे एक नंबरवरून लास्ट नंबरवर आले आहे'. अशा शब्दात अधिकाऱ्यांची झाडाझडती घेतली. यावेळी पोलीस उपायुक्त विजय खरात नाशिक रोड कारागृहाचे पोलीस अधीक्षक प्रमोद वाघ, अशोक कारकर यांच्यासह पोलीस अधिकारी व कर्मचारी उपस्थित होते.

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच

गुन्हेगारीत वाढ 

नाशिक रोड पोलीस स्टेशन हद्दीत गुन्हेगारी मोठ्या प्रमाणावर वाढली आहे. संघटित गुन्हेगारीने नाशिक रोडचे सामाजिक वातावरण खराब होत चालले असतांनाच पोलीस आयुक्त यांनी नाशिकरोड येथील गुन्हेगारीचा आढावा घेत अधिकाऱ्यांना खडे शब्दात खडेबोल सुनावले. येणाऱ्या दिवाळीच्या धामधुमीत गुन्हेगारी भडकायला नको. यासाठी योग्य ते उपाय योजना करण्याचे आदेशही पोलीस आयुक्तांनी नाशिक रोड पोलीस स्टेशनच्या सर्व अधिकाऱ्यांना दिले. नाशिक रोड पोलीस स्टेशनची वाटचाल पूर्वी पोलीस दलात पहिल्या रँकमध्ये होती. आता ती शेवटच्या रेंकमध्ये येत असल्याची बाब पोलीस निरीक्षकांनी अधिकाऱ्यांना बोलून दाखवली आहे.

हेही वाचा > समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला