सातपूर (नाशिक) : कोरोनात अनेक कुटुंबातील कर्ता पुरुष, महिलांना जीव गमवावा लागला आहे. संसर्गाने सर्वदूर हाहाकार माजविला असताना सातपूरच्या सुशीला हॉस्पिटलमध्ये मात्र मृत्यूनंतर देह बांधणीसाठी पैशांची मागणी होत असल्याचा आरोप नातेवाइकांनी केला. संबंधित रुग्णालयाविरुद्ध कारवाई करावी, अशी मागणीही केली आहे. दरम्यान, या संदर्भात रुग्णालय प्रशासनाशी संपर्क साधण्याचा प्रयत्न केला असता तो होऊ शकला नाही.
सातपूरच्या कार्बन नाका परिसरातील सुशीला हॉस्पिटलमध्ये देवीदास जाधव यांना उपचारासाठी दाखल करण्यात आले होते. रुग्णालयाकडून उपचारार्थ देण्यात आलेले बिल जाधव कुटुंबीयांकडून चुकते करण्यात आले. दरम्यान, उपचारार्थ दाखल जाधव यांचा कोरोनाने मृत्यू झाला. मृत्यूनंतर देह बांधणीसाठी रुग्णालयाकडून अतिरिक्त पैशांची मागणी करण्यात. या वेळी संतप्त झालेल्या नातेवाइकांनी महापालिका प्रशासनाकडे धाव घेतली. झालेला प्रकार निदर्शनास आणून देत संबंधितांवर कारवाईची मागणी केली.
रुग्णालयाविरुद्ध सातपूर पोलिसांत तक्रार
सातपूर परिसरातील सुशीला हॉस्पिटलमध्येच एका रुग्णाकडून आरोग्य विमा पॉलिसीमार्फत संपूर्ण रक्कम वसूल करूनही त्यांच्या नातेवाइकाकडून अधिकचे पन्नास हजार रुपये घेतल्याचा प्रकार समोर आला. या संदर्भात सातपूर पोलिसांत तक्रार दाखल असल्याची माहिती सूत्रांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.