नाशिक : केंद्र शासनाने कोरोना संशयित रुग्णांच्या स्वॅब नमुना तपासणीस वेग येण्याकरिता खाजगी लॅब यांना रुग्णांचे नमुने तपासणीस परवानगी दिली आहे. मात्र असे असले तरी नाशिकच्या एका संशयित रुग्णाच्या नमुना तपासणीतून आता खाजगी लॅबच्या अहवालाबद्दल संभ्रम निर्माण झाला आहे. नेमका काय प्रकार घडला...
असा घडला धक्कादायक प्रकार
नाशिकच्या संबंधित संशयित रुग्णांने संपर्कातून आपल्याला करोना झाला असल्याच्या संशयातून नाशिकमधुन मुंबईस्थित एका खाजगी लॅबकडुन स्वॅब तपासणी करुन घेतल्यानंतर, याचा अहवाल पॉझिटीव्ह आला होता.यामुळे घाबरलेला हा रुग्णाने स्वत:हून महापालिका रुग्णालयात दाखल झाला. यावेळी महापालिकेने या रुग्णांचा लगेच स्वॅब नमुना घेऊन पुणे येथील सरकारी लॅबला पाठविला असता रविवार (दि.17) हा अहवाल निगेटीव्ह आला. अशाप्रकारे गेल्या चार दिवसापासुन मोठ्या तणावात असलेल्या रुग्ण व त्यांच्या नातेवाईकांनी सुटकेचा नि:श्वास टाकला आहे. मात्र यामुळे खाजगी लॅबच्या अहवालावर प्रश्नचिन्ह उपस्थित होतोय.
खाजगी लॅबच्या अहवालाच्या विश्वसार्हतेबद्दल संभ्रम
खाजगी लॅबच्या अहवालामुळे संबंधीत रुग्णांना मोठा मनस्ताप सहन करावा लागला असुन यानिमित्ताने खाजगी लॅबच्या तपासणी अहवालावर प्रश्नचिन्ह निर्माण झाले आहे. नाशिक महापालिका प्रशासनाने या रुग्णांसाठी ते राहत असलेला भाग प्रतिबंधीत क्षेत्र म्हणुन जाहीर करीत याठिकाणी उपाय योजना सुरू केल्या आहे. या धक्कादायक प्रकारामुळे महापालिका यंत्रणा कामाला कामाला लागली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.