सातपूर (जि. नाशिक) : सातपूर पोलिस ठाण्याचा कारभाराची गंभीर दखल पोलिस आयुक्त अंकुश शिंदे यांनी घेत वरिष्ठ पोलिस निरीक्षक महेंद्र चव्हाण व क्राईम सहाय्यक निरीक्षक सतीश घोटेकर यांची तडकाफडकी उचलबांगडी करत राजू पठाण यांच्याकडे अतिरिक्त कारभार सोपवण्यात आला आहे काही दिवसांपासून सातपूर पोलिस स्टेशन विविध घटनांनी चर्चेला येत होते. (Satpurs senior along with assistant inspectors transfer Nashik News)

अवैद्य सावकारांबाबत पोलिस ठाण्यातील अधिकाऱ्यांच्या संशयास्पद भूमिकेबाबत ‘सकाळ’ मधील वृत्ताची पोलिस आयुक्त अंकुश शिंदे यांनी गंभीर दखल घेत वरिष्ठ पोलिस निरीक्षक महेंद्र चव्हाण यांची विशेष शाखेत, तर क्राईम पीआय सतीश घोटेकर यांना उपनगर पोलिस ठाण्यात तडकाफडकी बदली केली.

वर्षभरात सातपूरमध्ये मोठ्या प्रमाणावर गुन्हेगारी वाढली आहे. यातच विविध गुन्हेगार पाश्वभुमी असलेल्यांबरोबर अनेक कार्यक्रमात फोटोसेशन करत सोशल मीडियावर टाकले जात असल्याचे चित्र पाहायला मिळाले होते.

हेही वाचा : ..ही काळजी घ्या नाहीतर खिसा होईल साफ!

त्यामुळे सर्वसामान्य नागरिक तक्रार दाखल करण्याचे धाडस दाखवत नव्हते. औद्योगिक वसाहतीमध्ये वाढती गुन्हेगारीला पोलिस आळा घालू शकले नाही. टपऱ्यांच्या शेडमध्ये सर्रास अवैद्य दारू विक्री असून,

भगवान गड बंगल्यासह सुमारे अर्धा डझन दरोडे व घरफोडीचे घटनांचा आजपर्यंत तपास लागू शकलेला नाही. विविध घटनेमुळे आयुक्तांनी कारवाईचा बडगा उगारल्याची चर्चा पोलिस दलात सुरू आहे.