नाशिक : शहरात स्वच्छतेच्या ठेकेदारामार्फत सफाई काम करणाऱ्या कर्मचाऱ्यास दिवाळीचा बोनसची मागणी करतो व युनियन सुरू करतो, या कारणावरून मारहाण केल्याचा प्रकार घडला. याप्रकरणी पाच जणांविरुद्ध मुंबई नाका पोलिसात गुन्हा दाखल करण्यात आला आहे.

अमित भास्कर भालेराव (३६, रा. राहुलवाडी, पेठ रोड) या सफाई कर्मचाऱ्याच्या फिर्यादीनुसार, शनिवारी (ता.१५) नेहमीप्रमाणे ते सकाळी सहापासून काम करीत असताना कार्यालयात बोलावून घेतले. त्या वेळी कार्यालयात पाच संशयित बसलेले होते.(Scavengers beaten up for demanding bonus nashik crime news)

या वेळी युनियन का लावतो याचा जाब विचारून शिवीगाळ केली. त्या वेळी अमितने गेल्या दोन वर्षांपासून दिवाळी बोनस मिळाला नसल्याचे सांगितले. त्याचा राग येऊन संशयितांनी अमितला मारहाण केली. सफाई कर्मचारी अजय भालेराव मध्यस्थी करण्याचा प्रयत्न केला असता त्यालाही मारहाण झाली.