नाशिक : स्वतःला शिवसैनिक म्हणून घेणारे खुटवडनगर येथील सुधाकर जाधव यांनी मागील मनपा पंचवार्षिक निवडणुकीत शिवसेनेच्या अधिकृत उमेदवाराविरोधात बंडखोरी केली होती. ते सातत्याने पक्षविरोधी काम करत आल्याने आता त्यांचा शिवसेनेशी काहीही संबंध नाही, असा खुलासा शिवसेनेचे जिल्हाप्रमुख विजय करंजकर आणि महानगरप्रमुख महेश बडवे यांनी रविवारी (ता. २३) केला. 

जिल्हाप्रमुखांसह शहरप्रमुखांनी केला खुलासा 

श्री. जाधव स्वतःची ओळख शिवसैनिक म्हणून सांगतात अन् दुसरीकडे पक्षाच्या विरोधात बोलतात, त्यामुळे ते शिवसेनाप्रमुखांना अभिप्रेत असलेले प्रामाणिक शिवसैनिक असूच शकत नाही, असे श्री. करंजकर यांनी म्हटले आहे. श्री. जाधव सातत्याने पक्षविरोधी भूमिका घेत असल्याने त्यांचाशी पक्षाने संपर्क तोडून टाकलेला आहे. त्यांना पक्षाच्या कोणत्याही कामकाजात सहभागी करून घेतले जात नाही, याकडे श्री. करंजकर यांनी लक्ष वेधून पक्षाच्या नगरसेवकांसह पदाधिकाऱ्यांशी सातत्याने वादावादी करणाऱ्या श्री. जाधव यांचा शिवसेना पक्षाची काहीएक संबंध नाही, असे शिवसेना जिल्हाप्रमुख विजय करंजकर, महानगरप्रमुख महेश बडवे यांनी दिलेल्या निवेदनात म्हटले आहे. 

हेही वाचा > पहाटेची वेळ...मंदिरात आश्रयाला थांबलेले गुराखी दुर्गंधीने अस्वस्थ; शोध घेताच बसला धक्का

हेही वाचा > भरचौकात 'त्याने' थेट वाहतूक पोलिसाच्याच श्रीमुखात भडकावली...नेमके काय घडले?