नाशिक : सलग एकावन्न दिवस गायनाचा नवीन विक्रम प्रस्‍थापित करण्याकडे त्यांची वाटचाल सुरू आहे. त्‍यांच्‍या गायनाच्‍या विक्रमाचे फेसबुक लाइव्‍हद्वारे थेट प्रक्षेपण दाखविले जात आहे. आतापर्यंत त्‍यांनी २१ दिवसांचे गायन केले असून, पुढील तीस दिवस सलग गायन करणार आहेत.

२१ दिवसांत ५०४ तास सलग गायन

गायक दिनेशकुमार यांच्‍याआधी हा विक्रम चीनमधील गायकाने ७९२ तास गायन करून निर्माण केला आहे. त्यानंतर २०१७ मध्ये हा विक्रम भारतातील आठशे गायकांनी एक हजार तास गायन करून मोडला होता. हा विक्रम मोडण्याचा मानस दिनेशकुमार यांनी केला असून, आतापर्यंत २१ दिवसांत ५०४ तास सलग गायन केले आहे. आणखी तीस दिवस गायन करताना ते नवा जागतिक विक्रम प्रस्‍थापित करणार आहेत.

हेही वाचा > भरचौकात 'त्याने' थेट वाहतूक पोलिसाच्याच श्रीमुखात भडकावली...नेमके काय घडले?

कुटुंबातील चार सदस्‍य त्‍यांच्‍यासोबत आहेत. त्‍यांच्‍या या गायनाचा कार्यक्रम फेसबुकवर dineshkumar51multivoice singer येथे सुरू आहे. हा कार्यक्रम २४ तास सुरू असून, संगीतप्रेमींनी संगीताचा आनंद अनुभवण्याचे आवाहन केले आहे. गुगल सर्चवर हा कार्यक्रम क्रमांक एकवर असल्‍याचा दावा त्‍यांनी केला आहे. यापूर्वीही त्‍यांनी २०१५ मध्ये सलग २९ तास गायनाचा विक्रम नोंदविला आहे.

हेही वाचा > दुर्दैवी! 'त्या' जोडप्याने शेवटच्या क्षणीही सोडली नाही साथ; कारण ऐकून गावात खळबळ

संपादन : रमेश चौधरी