नाशिक : स्मार्टसिटी कंपनीमार्फत सुरू करण्यात आलेल्या सायकल शेअरिंग उपक्रम गुंडाळण्यात आल्याने धूळखात पडलेल्या एक हजार सायकल गरीब मुलांना वापरण्यास द्याव्यात, या माजी नगरसेवक ॲड. तानाजी जायभावे यांच्या सूचनेवर स्मार्टसिटी कंपनीने तूर्त वाट पाहण्याचा सल्ला दिला आहे. 

महापालिकेवर अपयशाचे खापर फोडण्याचा प्रयत्न

शहरात सायकल चालविण्यास प्रोत्साहन मिळावे या उद्देशाने स्मार्टसिटी कंपनीने मे. हिरो यूऑन प्रायव्हेट लिमिटेड कंपनीच्या माध्यमातून पीपीपी तत्वावर सायकल शेअरिंग उपक्रम सुरू केला होता. दीड वर्ष रडतखडत चाललेल्या या उपक्रमाला घरघर लागली. स्मार्टसिटी कंपनीने देखभाल व दुरुस्ती करण्यास कंपनीने असमर्थता दर्शविल्याचे कारण देत प्रकल्प रद्द केला. त्यानंतर सायकलची दुरवस्था झाल्याने ॲड. जायभावे यांनी गरीब मुलांना सायकल वापरण्यास देण्याची सूचना केली होती. त्यावर उत्तर देताना महापालिकेकडे सायकल हस्तांतरणाची प्रक्रिया पूर्ण झाल्यानंतर निर्णय घेऊ, असे उत्तर देण्यात आल्याने महापालिकेवर अपयशाचे खापर फोडण्याचा प्रयत्न स्मार्टसिटी कंपनीकडून होत असल्याचे दिसून येत आहे.

हेही वाचा > शेडनेट पंजाच्या सहाय्याने फाडून आत शिरण्यात बिबट्या अयशस्वी; तरीही डाव साधलाच

हेही वाचा > समाजकंटकाचेच षड्यंत्र! वाळलेले कांदारोप बघून शेतकऱ्याला धक्काच; अखेर संशय खरा ठरला