नाशिक : (गुगूळवाड) लॉकडाउनमुळे गुजरातला मजुरीसाठी गेलेल्या त्या कामगारांच्या चेहऱ्यावर कामगार दिनाच्या दिवशी हसू फुलले...काल रात्री वाहनाने गुगूळवाड या मुळगावी सोडण्यात आले. सर्व मजुरांची आरोग्य तपासणी करण्यात आली असून सदर मजुरांना शेती शिवारातच क्वारंटाईन करण्यात आले आहे. 

ऊसतोडणी कामगारांच्या मनात आंनदाचे वातावरण

दरवर्षीप्रमाणे यंदाही गुजरात येथे सुमारे 87 ऊसतोडणी मजूर गेले होते. कोरोनामुळे लॉकडाऊन जाहीर करण्यात आल्यामुळे अडकून पडले होते. गावी येण्यासाठी व्यवस्था होत नसल्याने तसेच कुटुंबातील सदस्यांची खाणा पिण्याच्या समस्यांनी वयोवृद्ध व्यक्ती आणि गरोदर महिला त्रस्त झाला होत्या. ऊसतोडणी कामगार यांनी येथील सामाजिक कार्यकर्ते आर.डी.निकम यांना फोन करून आपल्या व्यथा मांडली. निकम यांनी सदर कामगारांना घेऊन येण्याची परवानगी देण्यात यावी अशी मागणी तहसीलदार चंद्रजीतसिंह राजपूत यांच्याकडे केली असता. संबंधित कामगारांनची यादी घेऊन प्रशासकीय परवानगीसाठी प्रयत्न सुरू करीत असतांनाच केंद्र सरकारने स्थलांतरीत मजुरांना आपल्या गावी जाण्यासाठी योग्यती काळजी घेऊन परवानगी देण्याचे घोषित केलाने मंजुराचा गावी येण्याचा मार्ग मोकळा झालाने ऊसतोडणी कामगारांच्या मनात आंनदाचे वातावरण निर्माण झाले. कामगारदिनाच्या दिवशी ऊसतोडणी कामगार गावी परत आल्याचे चेहऱ्यावर हस्य होते. 

हेही वाचा > नियती झाली क्रूर! आई..'सगळं सुख तुझ्या पायाशी आणेल मी"...म्हणणारा मुलगा तिच्यासमोर प्राण सोडतो तेव्हा

मात्र कोरोनाच्या पार्श्वभूमीवर काही दिवस शेती शिवारात राहून काढावे लागणार असल्याने तसेच उदरनिर्वाहासाठी कुटुंबाजवळ अन्य धान्य नसल्याने ग्रामस्थांनी अन्न धान्य जमा करून दिले. तर निकम यांनी इतर दैनंदिन खर्चासाठी पाच हजार रुपयांची मदत केल्याने मोठ्या दिलासा मिळाला. मात्र सदर कुटुंबातील सदस्यांना कोरोनाच्या पार्श्वभूमीवर गावात प्रवेश न देता स्वतंत्र विलिनीकरण कक्षात काही दिवस काढण्यासाठी आग्रही होते.

हेही वाचा > ह्रदयद्रावक! "करपलेल्या जखमी पायांनी लांब अंतर कापतोय खरं..पण घरात घेतील ना?"