सुरगाणा (नाशिक) : म्हसरूळ, नाशिक येथील रहिवासी व माणी (ता. सुरगाणा) सज्जात कार्यरत असलेले वर्ग तीनचे तलाठी शंकर संभाजी मायकलवाड (वय ५५) यांना दोन हजार रुपयांची लाच स्वीकारताना पकडण्यात आले.

माणी सज्जातील तलाठी लाच स्वीकारताना अटकेत 

बाफळून (ता. सुरगाणा) येथील २५ वर्षीय युवकाकडे त्याच्या आजोबांच्या नावे असलेल्या शेतीला वडिलांचे नाव लावण्यासाठी मायकलवाड यांनी दोन हजार रुपयांची लाच मागितली होती. संबंधित युवकाने नाशिक येथील लाचलुचपत प्रतिबंधक विभागाकडे तक्रार केली. त्यानुसार पोलिस अधीक्षक सुनील कडासने, अप्पर पोलिस अधीक्षक नीलेश सोनवणे, पोलिस उपअधीक्षक दिनकर पिंगळे यांच्या मार्गदर्शनाखाली नाशिक युनिटचे पोलिस अधिकारी प्रभाकर निकम, पोलिस निरीक्षक संदीप साळुंके, पोलिस नाईक वैभव देशमुख, प्रभाकर गवळी, नितीन कराड, चालक हवालदार विनोद पवार आदींच्या पथकाने बुधवारी (ता. २८) सुरगाणा येथे सापळा रचून मायकलवाड यांना लाच स्वीकारताना पंचांसमक्ष रंगेहाथ पकडले. त्यांच्या विरोधात उशिरापर्यंत कायदेशीर कारवाई सुरू होती.  

हेही वाचा > ह्रदयद्रावक; आजोबांना दोन घास दिल्याचे समाधान घेऊनच नात झाली देवाला प्रिय, दसऱ्याच्या दिवशीच हळहळ

हेही वाचा >  पिंपळगावच्या टोमॅटोचा देशभरात डंका! सव्वाचारशे कोटी शेतकऱ्यांच्या पदरात