नाशिक : (म्हसरूळ) वार शनिवार...बाजार समितीत उत्पादकांसह खरेदीदारांची गर्दी. कोविडमुळे जो- तो स्वत:ची काळजी घेत खरेदी-विक्री करीत होता. यातच हेल्मेटधारक तरुण त्यांच्यात फिरू लागला. कोविडमुळे हा तरुण खरेदीला आला असावा, असा अनेकांचा समज. मात्र, हेल्मेट घातलेला तरुण फिरत असताना काहींकडे बोट दाखवत होता. वाचा काय कारण ?
काही जण भांबावले तर काही धास्तावलेच
शनिवारी (ता. ५) दिंडोरी रोडवरील बाजार समिती, तसेच अन्य गर्दीच्या ठिकाणी हेल्मेटधारक तरुण त्यांच्यात फिरू लागला. कोविडमुळे हा तरुण खरेदीला आला असावा, असा अनेकांचा समज. मात्र, हेल्मेट घातलेला तरुण फिरत असताना काहींकडे बोट दाखवत होता. त्याचे बोट बघून काहींनी मास्क लावले, तर काही जण शिस्तीत अंतर ठेवू लागले. हेल्मेटधारकाने ज्याच्याकडे बोट दाखविले त्याला थेट तपासणीसाठी नेण्यात आले. या प्रकाराने काही जण भांबावले, धास्तावले, तर काही जणांनी घराचा रस्ता धरला...हेल्मेटधारकांसमवेत असलेल्या काही रुग्णांनी भांबावलेल्या ग्राहक, उत्पादक, शेतकऱ्यांना काही नाही तुम्हाला ताप आल्याची शंका आहे म्हणून तुमची तपासणी करायची, असे सांगून तपासणीला नेले. मात्र, आम्हाला ताप आल्याचे तुम्हाला कसे कळाले, तर ते हेल्मटने सांगितले, असे सांगताच त्याची खात्री अनेकांनी केली.
पंधरा पॉझिटिव्ह
मिशन झिरो नाशिक मोहिमेंतर्गत शनिवारी ४१ व्या दिवशी स्मार्ट हेल्मेटद्वारे मास थर्मल स्क्रीनिंग सुरू केले आहे. अनलॉक प्रक्रियेत सार्वजनिक ठिकाणांवर गर्दीत वाढ होत असताना, सुलभतेने रुग्णांचा शोध घेण्यासाठी भारतीय जैन संघटना (बीजेएस) यांच्यातर्फे स्मार्ट हेल्मेटद्वारे नागरिकांची थर्मल स्क्रीनिंग केली जाणार आहे. दिंडोरी रोडवरील बाजार समितीत सकाळी अकरा ते दुपारी दोनदरम्यान पाच हजार २०० नागरिकांचे स्क्रीनिंग होऊन ३६ संशयितांना स्मार्ट हेल्मेट तंत्रज्ञानाने शोधले. या व अशा ५७ संशयितांच्या ॲन्टिजेन चाचणी केल्यानंतर पंधरा पॉझिटिव्ह आढळले.
संशयितांच्या माहितीचे संकलन
स्मार्ट हेल्मेट परिधान केलेल्या व्यक्तीकडून परिसरात उभ्या असलेल्या नागरिकांचे हेल्मेटद्वारे परीक्षण केले जाते. यात एखादी संशयित व्यक्ती आढळल्यास टीममधील सदस्याला खुणविल्यानंतर संबंधित संशयिताच्या माहितीचे संकलन केले जाते. अधिकची तपासणी केल्यानंतर जोखीमेचा अंदाज घेत ॲन्टिजेन चाचणी केली जाते.
संपादन - किशोरी वाघ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.