नाशिक/ सिन्नर : ‘मी गणू मामाचा पाहुणा आहे’, असे सांगत ‘पैसे कुठे ठेवले आहे’ असे विचारत बेडरूम मध्ये जात कपाटाजवळ गेला.जनावरांना चारा टाकून चंद्रकला या घरात आल्या असता, पाहुणा गायब असल्याचे त्यांच्या लक्षात आले आणि धक्काच बसला.

काय घडले नेमके?

बुधवारी (ता. ५) सायंकाळी दुचाकीवरून एक ३० वर्षीय कोकाटे यांच्या घरी आला. त्यावेळी घरात तुषार यांची आई चंद्रकला व आठवीत शिकणारा मुलगा गौरव असे दोघेच होते. ‘मी मामाचा पाहुणा आहे’, असे सांगत त्याने चंद्रकला यांच्याशी बोलायला सुरवात केली. सूनबाईच्या भावाचे नावही तेच असल्याने ‘मी जनावरांना चारा टाकून येते’, असे सांगत चंद्रकला जनावरांच्या गोठ्याकडे वळल्या. घरात टीव्ही बघत असलेल्या गौरवला, ‘मी गणू मामाचा पाहुणा आहे’, असे सांगत ‘पैसे कुठे ठेवले आहे’ असे विचारत बेडरूम मध्ये जात कपाटातील एक लाख २० हजारांची रक्कम घेऊन फरारी झाला.

पोलिस ठाण्यात गुन्हा दाखल

जनावरांना चारा टाकून चंद्रकला या घरात आल्या असता, पाहुणा गायब असल्याचे त्यांच्या लक्षात आले. पाहुण्याबाबत त्यांनी नातू गौरवला विचारत आतल्या खोलीत गेल्या असता, कपाट उघडे दिसले. त्याचदरम्यान श्री. कोकाटे घरी आले. आईने घडला प्रकार सांगितला. त्यांनी कपाट तपासले असता, आतल्या कप्प्यात एक लाख २० हजार रुपये असलेली पिशवी गायब असल्याचे लक्षात आले. याप्रकरणी कोकाटे यांच्या तक्रारीवरून एमआयडीसी पोलिस ठाण्यात गुन्हा दाखल करण्यात आला आहे.

हेही वाचा > क्रूर नियती! "बाबा..तुमच्या दशक्रियेला नाही येऊ शकले..म्हणून तुमच्याकडेच आले" वडिलांमागे लेकीचीही अंत्ययात्रा

अडीच लाख वाचले
कोकाटे यांनी सिन्नरच्या आंध्र बँकेतून एक लाख २० हजार रुपये काढून आणून घरातील कपाटात ठेवले होते. तीच रक्कम चोरीला गेली. याच कप्प्यात त्यांनी दोन लाख ४० हजार रुपयेदेखील दुसऱ्या पिशवीत ठेवले होते. चोरट्याने थोडा पुढे हात घातला असता, तर ही रक्कमदेखील त्याच्या पदरात पडली असती. केवळ नशिबाने कोकाटे यांचे नुकसान टळले.

हेही वाचा >  थरारक! नांदगाव हत्याकांडाने जाग्या केल्या सुपडू पाटील हत्याकांडच्या स्मृती..आजही ग्रामस्थांमध्ये संतप्त भावना

भामट्याने साधली संधी

आजी व नातू घरात एकटेच असल्याची संधी साधत भामट्याने, ‘मी गणू मामाचा पाहुणा आहे’, अशी बतावणी करत घरातील कपाटात ठेवलेले सव्वा लाख रुपये चोरून नेल्याची घटना सोमठाणे (ता. सिन्नर) येथे घडली. सोमठाणे शिवारात मेंढी रस्त्यालगत तुषार कोकाटे यांच्या वस्तीवर प्रकार घडला.

संपादन - ज्योती देवरे