नाशिक : पोलिसांच्या कारवाया सुरु असल्या तरी, चोरट्यांच्या विविध क्लुपत्या लढवून चोर्‍या, लूटमार सुरुच आहेत. अशाच प्रकारे रिक्षात प्रवाशी बसवून त्यांचे मोबईल तसेच रोकड लंपास करत लूटल्याचे शुक्रवारी (ता. 8) एकाच दिवशी थोड्या अंतराने तीन चोरीचे प्रकार समोर आले आहेत. वाचा सविस्तर प्रकार

दिड हजाराची रोकड व दोन मोबाईल गायब

गंगापूररोड ते निमाणी बसस्थानकादरम्यान दुपारी अडीच वाजेच्या सुमारास घडली. याप्रकरणी विश्वास पवलु आहिरे (48, रा. पिंपळनेर, ता. साक्री, धुळे) यांनी दिलेल्या तक्रारीनुसार आहिरे कामानिमित्त गंगापूर रोड परिसरात आले होते. येथील टकले नगरपासून ते निमाणी बसस्थानक जाण्यासाठी रिक्षाने प्रवास करत असतांना, त्यांच्या बाजुला तीन संशयितांनी खिशातील दिड हजाराची रोकड व दोन मोबाईल गायब केल्याचे त्यांच्या लक्षात आले. त्यांनी पंचवटी पोलीस ठाणे गाठुन तक्रार दाखल केली आहे. 

त्याच रिक्षातील दुसरी घटना 

निमाणी बसस्थानक ते आडगाव नाका दरम्यान घडली. याप्रकरणी राजेंद्र खंडेराव देशमुख (35, रा. देशमुख वस्ती, आडगाव, नाशिक) यांनी तक्रार दाखल केली आहे. दुपारी तीन वाजेच्या सुमारास देशमुख हे निमाणी बसस्थानकातून एका रिक्षात बसले होते. त्यांच्याबरोबर बसलेल्या दोघांनी त्यांच्या खिशातील दोन मोबाईल लंपास केले. याप्रकरणी त्यांच्या तक्रारीवरून पंचवटी पोलीस ठाण्यात गुन्हा दाखल करण्यात आला आहे. 

हेही वाचा > नियतीची खेळी! एका मित्राला लागली हळद ,तर दुसऱ्याला दिला अग्नि; अक्षयच्या अवेळी जाण्याने परिसरात हळहळ

तिसरी घटना 

सव्वातीन वाजेच्या सुमारास जिल्हा रूग्णालय ते दक्षिणमुखी हनुमान मंदिरादरम्यान घडली. याप्रकरणी मनोही हनुमंतराव कावळे (72, रा. पाटिलनगर, नवीन नाशिक) यांनी तक्ररा दाखल केली आहे. त्यानुसार ते सिडको येथे जाण्यासाठी जिल्हा रूग्णालयापासून एका रिक्षात बसले. यामध्ये चालकासह बसलेल्या तिघांनी त्यांच्या खिशातील पैशांचे पाकिट लंपास केले. याप्रकरणी कावळे यांनी मुंबई नाका पोलीस ठाण्यात तक्रार दाखल केली आहे.

हेही वाचा > माहेरहून सासरी निघालेली विवाहिता चिमुकलीसह प्रवासातच गायब; घडलेल्या प्रकाराने कुटुंबाला धक्काच