नाशिक : मातृत्व लाभणं हा एकप्रकारे स्त्रीला निसर्गाकडून लाभलेला आशिर्वादच असतो. काही लोकं या बाबतीत कमनशिबी असतात. तर काहीं लोकांना याची किंमत नसतो. हे लोकं या गोष्टींचा अक्षरश: गैरफायदा घेऊन जन्माला येणाऱ्या नव्या जीवाचे हाल करतात. अशीच एक मन हेलावून टाकणारी घटना नाशिकच्या त्र्यंबकेश्वर भागात घडली आहे. 

मन हेलावून टाकणारी घटना नाशिकच्या त्र्यंबकेश्वर भागात  

नाशिक त्र्यंबकेश्वर महामार्गालगत असलेल्या आधारतीर्थ आश्रमच्या समोर तुपादेवी फाटा या ठिकाणी (ता.१२) मध्यरात्री २ च्या सुमारास एका लहान बाळाच्या रडण्याचा आवाज येत होता. यावेळी समोरील आश्रमात झोपलेल्या अनाथ मुलांना या लहान बाळाचा आवाज आला. त्यानंतर त्या मुलांनी आपल्या मित्रांना झोपेतून उठवले. या अनाथ आश्रमात सांभाळ करणाऱ्या मावशींसोबत त्या मुलांनी गेटच्या बाहेर जाऊन पाहिले. त्यावेळी रस्त्याच्या कडेला गटाराच्या बाजूला एक निरागस बाळ रडत असल्याचे त्यांना दिसले.  या बाळाला रस्त्याच्या कडेला अक्षरश: फेकून दिले होतं. आणि त्या बाळाला जणू भूक लागली असावी तसे हे बाळ जोरजोरात रडत होतं. त्यानंतर....

हेही वाचा > संतापजनक प्रकार! शेजारीणच झाली वैरीण; 13 वर्षीय अल्पवयीन मुलीला दिले नराधमांच्या ताब्यात

चिमुरड्याला आश्रमात आणून दूध पाजले

या घटनेची माहिती तात्काळ आधार आश्रमातील अध्यक्षांना कळवत नाशिक पोलीस नियंत्रण कक्षाला फोन केला. तर सुदैवाने मध्यरात्रीच्या सुमारास त्र्यंबकेश्वर पोलीस स्टेशनच्या पी. एस. आय. अश्विनी टिळे पेट्रोलिंग करत होते. त्यानंतर त्यांनी तातडीने तुपादेवी फाट्याकडे धाव घेत आश्रम गाठलं. यानंतर त्या आश्रमातील महिलेने त्या चिमुरड्याला आश्रमात आणून दूध पाजले. यानंतर पी.एस.आय अश्विनी टिळे यांनी आपल्या कर्मचाऱ्यांना सूचना करत तात्काळ बाळाला त्र्यंबकेश्वर रुग्णालयात हलवण्यास सांगितले. 

हेही वाचा > बहिणीच्या लग्नात भावाने दिले अनोखे 'गिफ्ट'; अख्ख्या पंचक्रोशीत होतेय चर्चा 

बाळाच्या आईचा शोध
यानंतर डॉक्टरांनी या बाळाची तपासणी करुन त्याची प्रकृती नीट असल्याची माहिती दिली. या घटनेनंतर या बाळाला बालकल्याण समिती समोर हजर करण्यात आले. यानंतर त्या बाळाला घारपुरे घाट येथील आधार आश्रमात ठेवण्यात सांगितलं आहे. मात्र त्र्यंबकेश्वर पोलीस या बाळाच्या आईचा शोध घेत आहेत. दरम्यान या घडलेल्या घटनेनंतर सर्वत्र संताप व्यक्त होत आहे.