नाशिक : नियोजित परीक्षा स्थगित करण्यासोबतच विविध परीक्षांना प्रविष्ठ होण्यासाठी अर्ज करण्यात अडथळा येऊ नये, या करीता देखील मुदतवाढ दिली जात आहे. नॅशनल टेस्टींग एजन्सीतर्फे विविध सात प्रवेश परीक्षांकरीता अर्ज करण्याच्या मुदतीत वाढ केलेली आहे. इग्नूच्या प्रवेशासह अन्य विविध परीक्षांचा यात समावेश आहे. 

परीक्षांच्या संदर्भातील अर्ज करण्याच्या सुधारीत तारखा जाहीर

कोरोनाचा संसर्ग रोखण्यासाठी उपाययोजना सुरू असतांना शैक्षणिक वेळापत्रक कोलमडत आहे. शैक्षणिक वर्ष 2020-21 करीता विविध अभ्यासक्रमांच्या प्रवेशासाठी होणाऱ्या परीक्षा पुढे ढकलल्या जात आहेत. या परीक्षा एप्रिल, मे महिन्यात नियोजित होत्या. दुसरीकडे विविध प्रवेश परीक्षांकरीता अर्ज करण्याच्या मुदतीतही वाढ करण्यात आली आहे. नॅशनल टेस्टींग एजन्सी (एनटीए) यांच्यामार्फत परीक्षांच्या संदर्भातील अर्ज करण्याच्या सुधारीत तारखा जाहीर केल्या आहेत. त्यामूळे इच्छुक व पात्र विद्यार्थ्यांना दिलासा मिळणार आहे. विविध सात अभ्यासक्रमांच्या प्रवेशासाठी साधारणत: एप्रिल अखेर, मे महिन्यातील पंधरा दिवसांची मुदत मिळणार आहे. या वाढीव मुदतीतील काळात विद्यार्थ्यांनी परीक्षेचा भरपुर सराव करावा. कुठलीही भीती न बाळगता परीक्षांना सामोरे जावे, असे आवाहन एनटीएतर्फे केले आहे. 

हेही वाचा > 'लॉकडाउनमध्ये सिलेंडर संपलंय?'...काळजी नको, कारण...

असे आहे सुधारीत वेळापत्रक 

(अभ्यासक्रम, परीक्षेचे नाव अर्जाची सुधारीत मुदत)

नॅशनल कौन्सिल फॉर हॉटेल मॅनेजमेंट (एनसीएचएम) जेईई 2020 ----- 30 एप्रिल 

इंदिरा गांधी नॅशनल ओपन युनिव्हर्सिटी (इग्नू) पी.एचडी., एमबीए ----- 30 एप्रिल 

इंडियन कौन्सिल ऑफ ऍग्रीकल्चर रिसर्च (आयसीएआर) 2020 ----- 30 एप्रिल 

जवाहरलाल नेहरू युनिव्हर्सिटी एट्रान्स एक्‍झाम (जएनयुईई) ----- 30 एप्रिल 
युजीसी-नॅशनल इलिजिब्लीटी टेस्ट (युजीसी-नेट) जून 2020 ----- 16 मे 

सीएसआयआर-नॅशनल इलिजिब्लीटी टेस्ट जून 2020 ----- 15 मे 

ऑल इंडिया आयुष पोस्ट ग्रॅज्युएट एंट्रान्स टेस्ट ----- 31 मे

हेही वाचा > #Lockdown : ...अन् अडकलेल्या 'त्या' गर्भवतीच्या मदतीला 'ते' देवदूतासारखे धावून आले!