मुलवड (जि.नाशिक) : कोरोनामुळे शाळा बंद केल्या, तर ग्रामीण भागात ऑनलाइन शाळा सुरू असल्या तरी रेंजचा प्रश्न कायम असल्याने शाळा बंद आणि रेंजही बंद अशा स्थितीत परीक्षेशिवाय विद्यार्थ्यांना पास करण्याची वेळ आली.
शाळा बंद, मोबाईलला रेंज नाही; शिकवणार कसे?
राज्य सरकारने शाळांना सुट्या दिल्यामुळे विद्यार्थ्यांना आनंद असला तरी शिक्षकांची डोकेदुखी वाढली आहे. कोरोनामुळे शाळा भरत नाही, शाळा भरत नाही म्हणून विद्यार्थ्यांना शिकविता येत नाही, शहरी भागाप्रमाणे ग्रामीण भागात ऑनलाइन शिक्षण देण्याचा नियम झाला असला, तरी ऑनलाइन शिक्षणासाठी मोबाईलला रेंज तर हवी... ग्रामीण आदिवासी दुर्गम भागात रेंजचे वांधे आहेत. अशा स्थितीत ग्रामीण भागात या पद्धतीवर अनेक मर्यादा आल्या. आदिवासी भागात तर सोडून द्या सगळीकडे रेंजची अडचण. तरीही शिक्षकांनी गावोगावी, पाड्यापाड्यावर जाऊन, मंदिरात, झाडाखाली, कुणाच्या तरी घराच्या पडवीत, एखाद्या झाडाखाली, विद्यार्थ्यांना शिक्षण देण्याचा प्रयत्न केला. शाळेशिवाय शिक्षणाला पर्यायच नाही. हे लक्षात आले असले तरी वेळ खूप झाला आहे. मुलांना यंदा पास करावे लागणार ही शिक्षकांची चिंता आहे.
‘कोरोनाची लस लवकर येणार आहे’ या बातमीने सर्वच विद्यार्थ्यांमध्ये आनंदाचे वातावरण आहे. कारण शाळा आता लवकरच सुरू होणार आहेत हे त्यांना माहीत आहेच. त्यामुळे गुरुजी गावात दिसताच विद्यार्थी मोठ्या संख्येने गोळा होतात व आशेने विचारतात की, गुरुजी, कोरोनाची लस निघाली... आता शाळा कधी उघडणार?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.