नाशिक : सध्या कोरोनाच्या पार्श्वभूमीवर लॉकडाऊन असतानाच किन्नर बांधव नाशिकरोडच्या रस्त्यांवर खडा पहारा देताना दिसत आहे. किन्नर बांधवांकडे समाजाचा बघण्याचा दृष्टिकोन नकारात्मक असतानाच किन्नर बांधवही समाजाची सेवा तत्परतेने करू शकतात हा संदेश किन्नर बांधवांकडे पाहिल्यावर कळतो.

लोकांच्या सुरक्षेसाठी नाशिक रोडला किन्नर देताय खडा पहारा 
विशेष पोलीस अधिकारी म्हणून नासिक रोड पोलीस स्टेशन अंतर्गत ९ किन्नर  नाशिक रोड परिसरात वाहतूक सुरक्षा पाहण्याची संधी मिळाली आहे. किन्नर बांधवांकडे समाज वेगळ्या नजरेने पाहतो, मात्र किन्नर बांधव सध्या नाशिक शहरात पोलिसांच्या खांद्याला खांदा लावून आपले कर्तव्य बजावताना दिसत आहे. कोणतीही अपेक्षा न बाळगता विना मोबदला किन्नर बांधव सध्या लोकांची सेवा करीत असल्याने नाशिक शहरात हा चर्चेचा विषय होत आहे.

"त्यांंचा एक मदतीचा हात"

नाशिक रोड येथील  किन्नर आखाडाच्या पायल नंदगिरी आणि त्यांचे सहकारी शीला पायल नंदगिरी, माऊ पायल नंदगिरी, निकिता पायल नंदगिरी, सांनवी पायल नंदगिरी, जितू पायल नंदगिरी या मंगलमूर्ती सेवाभावी ट्रस्ट च्या वतीने नासिक रोड परिसरात किन्नर बांधवांना घेऊन वाहतूक व्यवस्थित चौक बंदोबस्त करीत आहे. किन्नर समूहाच्या प्रमुख पायल नंदगिरी यांनी आजपर्यंत अनेक हातावरच्या लोकांना अन्नधान्य व इतर मदत केलेली आहे. पोलीस बांधवांना सेवा बजावताना मदत व्हावी या उदात्त हेतूने नासिक रोड पोलीस स्टेशन अंतर्गत या किन्नर बांधवांनी स्वयंस्फूर्तीने अर्ज करून सेवा करण्याची अपेक्षा दाखवली अपेक्षेला नाशिक रोड पोलिस स्टेशनचे पोलीस निरीक्षक सूरज बिजली यांनीही सकारात्मकता दर्शन किन्नर बांधवांना रस्त्यावर लोकांची सेवा करण्याची संधी दिली आहे. 

हेही वाचा > धक्कादायक! टेम्पोवर बोर्ड अत्यावश्यक सेवेचा...अन् आतमध्ये मात्र भलतंच

आम्ही ही देशाची सेवा करू शकतो

किन्नरांकडे पाहून लोक नाक मुरडतात घाबरतात मात्र आम्ही ही देशाची सेवा करू शकतो हे आम्हाला या कृतीतून दाखवून द्यायचे आहे या माध्यमातून किन्नर समाजाकडे लोकांचा पाहण्याचा दृष्टीकोण सकारात्मक होऊन किन्नर समाजाच्या मुख्य प्रवाहात येण्यासाठी आम्ही सध्या पोलिसांच्या खांद्याला खांदा देऊन विशेष पोलीस अधिकारी म्हणून काम करीत आहोत- पायल नंदगिरी (किन्नर आखाडा)

हेही वाचा > रंगात आला डाव...पण पोलिसांना बघून टांगा पलटी घोडे फरार...अन् मग चांगलीच झाली फजिती!