नाशिक : सध्या या इंधन कंपन्यात नव्याने पेट्रोल पंप सुरु करण्याची जोरदार स्पर्धा आहे. पेट्रोल कंपन्यातील तीव्र स्पर्धेमुळे वाढलेल्या मागणीच्या धर्तीवर शहराच्या चौकाचौकात नव्या पेट्रोल पंपांची सुरवात होत आहे. पर्यावरणाचे रक्षण करणे सर्वांचीच जबाबदारी आहे. शासनही त्याबाबत आग्रही आहे. मात्र अशा परिस्थिती पोलिस कल्याण निधीतंर्गत साकारत असलेल्या शरणपूर रोडवरील नव्या पेट्रोल पंपासाठी पूर्ण वाढ झालेल्या झाडांचा बळी देण्यात आल्याने पर्यावरणप्रेमींमध्ये तीव्र संताप व्यक्त होत आहे.
पर्यावरणप्रेमींची तक्रार
सार्वजनिक क्षेत्रात इंडियन ऑईल्स, हिंदुस्थान पेट्रोलियम, भारत पेट्रोलियम या सरकारच्या मालकीच्या कंपन्यांसह रिलायन्स, इस्सार कंपनीचे पेट्रोल पंप कार्यान्वित आहेत. गंगापूर रोडवरील सरकारवाडा पोलीस ठाण्याशेजारील पोलिस वसाहतीच्या जागेशेजारी पेट्रोल पंप असून तो पोलीस कल्याण निधी योजनेद्वारे चालविला जातो. हा पंप सुरू असतानाच शरणपूर रोडवरील पोलिस कवायत मैदानाच्या एका टोकाला नव्या पेट्रोल पंप उभारण्याचे नियोजन सुरू आहे. नवीन पंप होण्यासाठी कोणाचेही दुमत नाही, परंतु त्यासाठी पूर्ण वाढ झालेल्या दोनचार झाडांचा बळी देणे चुकीचे आहे, अशी पर्यावरणप्रेमींची तक्रार आहे.
हरकती का नाहीत?
शहरातील दिंडोरी रोड, पेठरोड किंवा गंगापूर रोडवर रस्त्याच्या मधोमध अनेक झाडे असून ती अपघातास कारणीभूत ठरत आहेत, परंतु ती तोडण्यास न्यायालय परवानगी देत नाही, त्यामुळे ही झाडे अनेकांच्या मृत्यूस कारणीभूत ठरूनही अद्यापही ‘जैसे थे’च आहेत. याशिवाय दिंडोरी रस्त्यावरील वहाडणे फार्मकडे जाणाऱ्या रस्त्यावरील प्राचीन वडाचे झाड अनेकांचा बळी घेऊनही तसेच आहे. पेठरोडवरील बाजार समितीलगत असलेल्या वडाच्या झाडानेही अनेक बळी घेतले आहेत. ही झाडे तोडण्यासाठी परिसरातील लोकप्रतिनिधीही प्रयत्नशील असताना ही झाडे अद्यापही टिकून आहेत. दुसरीकडे पूर्ण वाढ झालेली ही झाडे तोडताना कोणीही हरकत नोंदविलेली दिसत नाही.
पेट्रोल पंप ही काळाची गरज असली तरी नैसर्गिक साधनसामुग्री वाचविणे आपली जबाबदारी आहे. एकीकडे ऑक्सीजनचा तुटवडा जाणवू लागला असताना विकासाच्या नावाखालील झाडांची कत्तल दुर्देवी आहे. - निशिकांत पगारे, पर्यावरणप्रेमी
संपादन - रोहित कणसे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.