नाशिक : त्र्यंबकेश्वरचे माजी नगराध्यक्ष धनंजय यादवराव तुंगार यांची येथील एका युवकाने सुरीने गळा चिरून हत्या केली. दिवसाढवळ्या घडलेल्या या हत्येच्या घटनेने जिल्ह्यात खळबळ उडाली आहे. हत्येच्या घटनेनंतर मारेकरी तरूण स्वत:च पोलीस ठाण्यात हजर झाला.

रक्ताच्या थारोळ्यात धनंजय तुंगार; राजकीय वर्तुळात खळबळ 

तुंगार यांचे मोठे भाऊ शेखर यांच्या बाराव्याचे श्राद्ध विधी सुरू असताना धनंजय तुंगार यांना फोन आला. त्यामुळे ते अहिल्या धरणाकडे गेले. तेथे आधीच दबा धरून बसलेल्या एका तरुणाने त्यांच्या गळ्यावर सुरीने वार करून हत्या केली. धनंजय हे रक्ताच्या थारोळ्यात पडले होते. घटनेनंतर आरोपी हा थेट पोलीस ठाण्यात हजर झाला. या घटनेची माहिती मिळाल्यानंतर ग्रामस्थांनी घटनास्थळी धाव घेतली.

हेही वाचा > क्रूर नियती! नवरात्रीच्या पहिल्याच दिवशी देवीभक्ताचा दुर्देवी अंत; कुटुंबियांचा आक्रोश

दोनदा त्र्यंबकेश्वरचे नगराध्यक्षपद भूषवले​

सुरुवातीला काँग्रेसमध्ये असलेल्या तुंगार यांनी शिवसेनेत प्रवेश केला होता. त्यानंतर त्यांनी अपक्ष म्हणून निवडणूक लढवली होती. सध्या ते राजकारणात सक्रिय नव्हते. त्यांनी दोनदा त्र्यंबकेश्वरचे नगराध्यक्षपद भूषवले होते.

हेही वाचा > मध्यरात्रीस खेळ चाले! गायींना भुलीचे औषध देऊन तस्करी; महागड्या गाड्यांचा वापर