नाशिक : तुम्ही अभिनेता सलमान खान आणि वरुण धवनचा जुडवा बघितलाच असेल. त्यात एकाला मारलं तर दुसऱ्याला लागत असतं. पण नाशिकमधील दोन जुळ्या भावंडांनी दहावीत सेम टू सेम मार्क मिळवून सगळ्यांनाच आश्चर्याचा धक्का दिलेला आहे

‘महाराष्ट बुक ऑफ रेकार्ड’मध्ये नोंद

या जुळ्या भावंडांची जुळी कामगिरी बघून त्यांच्या नातेवाईक आणि गावकऱ्यांनाच फक्त आश्चर्याचा धक्का बसला असं नाही तर संपूर्ण महाराष्ट्राला अश्चर्याचा धक्का बसला आहे. जुळ्या मुलांंचे स्वभाव आणि बरेच काही सारखंच असतं असे म्हणतात, नाशिकमध्ये दोन जुळ्या भावंडांना नुकत्याच झालेल्या दहावीच्या परीक्षेत मार्कही जुळेच म्हणजे सारखेच मिळाले आहे. या दुर्मीळ घटनेची ‘महाराष्ट बुक ऑफ रेकार्ड’मध्ये नोंद करण्यात आली आहे. शहरातील बॉइज टाऊन शाळेत जाणारे ओम आणि शिवानी बिरारी हे जुळे भावंडे. त्यांना दहावीच्या परीक्षेत ८२.२० टक्के गुण मिळाले आहे. त्यामुळे साऱ्यांनाच आश्चर्याचा धक्का बसला आहे. दहावीच्या परीक्षेत या दोघांना प्रत्येक विषयात मिळालेले गुण कमी अधिक असले तरी दोघांच्या गुणांची बेरीज मात्र ५०० पैकी ४४१ आल्याने दोघांना एकूण ८२.२० टक्के गुण मिळाले आहेत.

हेही वाचा > अमानुष! रक्ताच्या थारोळ्यात घरात पडलेली पत्नी..बाहेरून दरवाजा लावून निर्दयी पती फरार ..थरारक घटना

मार्कही जुळेच असल्याने हा चर्चेचा विषय

जुळ्या मुला-मुलींच्या बाबतीत अशाप्रकारे मार्कही जुळेच असल्याने हा चर्चेचा विषय ठरला आहे. ओम आणि शिवानी यांचा जन्म १ मे २००४ रोजीचा. दोघेही अभ्यासात हुशारच. अर्थात, ते जुळे भावंडं असले तरी एक मुलगा आणि एक मुलगी असल्याने त्यांच्या आवडी निवडी वेगवेगळ्या आहेत.ओमला संरक्षण क्षेत्रात जायचे असून, शिवानीला मात्र वैद्यकीय क्षेत्राकडे कल आहे.

हेही वाचा > सहा फुटांच्या खड्ड्यातून आली दुर्गंधी.. गावकऱ्यांना भलताच संशय....शोध घेताच गावात एकच खळबळ

संपादन - ज्योती देवरे