नाशिक / येवला : दोन आठवड्यांच्या अंतराने तालुक्यातील दोन युवती बेपत्ता झाल्याने खळबळ उडाली आहे. या मुली घरातून निघून गेल्या की पळवून नेल्या, याबाबत पोलिस तपास करत आहेत.

पालकांमध्ये भितीचे वातावरण

शहर पोलिस ठाण्यात नागडे येथील भाऊसाहेब लोणे यांनी दाखल केलेल्या फिर्यादीनुसार त्यांची मुलगी अश्विनी (वय १७) २५ जुलैला दुपारी अडीचच्या सुमारास नागडे शिवारातील घरातून आई-वडील बाजारात गेले असताना शौचास जाते, असे लहान बहिणीला सांगून निघून गेली. याबाबत शनिवारी पोलिस ठाण्यात नोंद केली आहे. गोरी, नाक सरळ, कानात डूल, अंगात निळा पंजाबी ड्रेस व निळी ओढणी परिधान केले असून, ती मराठी बोलते. 
तसेच मुखेड येथील युवतीही चार दिवसांपासून बेपत्ता आहे.

सर्वत्र शोध घेऊनही तपास नाहीच

सुरेखा संपत राऊतराय (२०, रा. मुखेड) ४ ऑगस्टला दुपारी तीनच्या सुमारास घरातील कोणास काहीएक न सांगता मुखेड येथील राहत्या घरातून निघून गेली, ती परत घरी आली नसून तिचा सर्वत्र शोध घेऊनही तपास न लागल्याने किरण संपत राऊतराय यांनी सुरेखा बेपत्ता झाल्याची फिर्याद तालुका पोलिसांत दिली. युवती सावळी, उंची पाच फूट एक इंच, गुलाबी टी- शर्ट व निळी जीन्स पँट परिधान केली असून, पायात गुलाबी बूट आहेत. 

हेही वाचा > क्रूर नियती! "बाबा..तुमच्या दशक्रियेला नाही येऊ शकले..म्हणून तुमच्याकडेच आले" वडिलांमागे लेकीचीही अंत्ययात्रा

दोन वेगवेगळे गुन्हे दाखल

मुखेड येथील २० वर्षीय, तर नागडे शिवारातील १७ वर्षीय अशा दोन युवती बेपत्ता झाल्या असून, तालुका व शहर पोलिस ठाण्यात दोन वेगवेगळे गुन्हे दाखल झाले आहेत. 

हेही वाचा >  थरारक! नांदगाव हत्याकांडाने जाग्या केल्या सुपडू पाटील हत्याकांडच्या स्मृती..आजही ग्रामस्थांमध्ये संतप्त भावना