इगतपुरी : इगतपुरी तालुक्यात गुरुवारी (ता. ९) अवकाळी पाऊस झाला. यामुळे शेतकऱ्यांची धावपळ झाली. काही भागांतील भात पिकातून अद्याप पाणी ओसरलेले नाही.

सर्वत्र भात पिके सोंगणीवर आली असून, काही ठिकाणी पिकांवर करपा रोगाचा प्रादूर्भाव झाला आहे. (Unseasonal rain scares farmers Farmers exercise to save rice crop nashik)

त्यामुळे शेतकरी चिंतेत असतानाच पाऊस झाल्याने हातातोंडाशी आलेला घास हिरावण्याची शक्यता व्यक्त होत आहे. काही ठिकाणी शेतकऱ्यांनी शेतात भात सोंगून ठेवला आहे. पावसापासून भात पीक वाचविण्यासाठी शेतकऱ्यांची धांदल उडाली.

तालुक्यात काद्यांचे फारसे पिक घेतले जात नसले, तरी काही शेतकऱ्यांनी उन्हाळी कांद्याचे बियाणे टाकली आहेत. खरिपातील पिकांची काही शेतकऱ्यांनी कापणी केली होती. अचानक आलेल्या पावसामुळे बळीराजाची धावपळ झाली.