नाशिक : मुंबई नाक्यावरील हॉटेलमध्ये बोलावून पीडितेची छायाचित्रे काढली आणि सोशल मीडियावर शेअर करीत बदनामी व विनयभंग केल्याचा प्रकार घडला. या प्रकरणी संशयित प्रकाश शिवदास चौधरी (रा. मेहुणबारे, ता. चाळीसगाव, जि. जळगाव) असे संशयिताचे नाव आहे.
असा घडला प्रकार...
पीडितेच्या फिर्यादीनुसार 22 फेब्रुवारीला संशयित चौधरी याने पीडितेशी ओळख करीत तिला संदीप हॉटेलमधील खोलीत बोलविले. पीडितेची छायाचित्रे काढली. पीडितेच्या मोबाईलमधील कॉल लिस्ट पाहून तिच्यावर संशय घेत शिवीगाळ करीत मारहाण केली. त्यानंतर पीडितेचा मोबाईल व सोन्याचे मंगळसूत्र हिसकावून पळून गेला, तसेच मोबाईलमध्ये काढलेली छायाचित्रे त्याने पीडितेचे नातलग व सोशल मीडियाच्या ग्रुपवर शेअर करून बदनामी केली. या प्रकरणी मुंबई नाका पोलिसांत विनयभंगाचा गुन्हा दाखल करण्यात आला असून, वरिष्ठ पोलिस निरीक्षक विजय ढमाळ तपास करीत आहेत.
हे माहित आहे का तुम्हाला?
एखाद्या महिलेचा विनयभंग करण्याच्या हेतूने तिच्याकडे पाहणे, बोलणे, शब्द उच्चारणे किंवा कृती करणे, एखादी वस्तू, गोष्ट दाखवणे, ती पाहण्यासाठी तिचे लक्ष वेधून घेणे किंवा तिच्या खाजागीपानाच्या अधिकाराचं उल्लंघन होईल असे वर्तन. या अपराधासाठी १ वर्ष सजा, दंड किंवा दोन्ही अशी शिक्षा होऊ शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.