नाशिक : (येवला) सायंकाळच्या सुमारास विहिरीजवळची गर्दी बघून जो तो तिकडे धाव घेऊ लागला. नेमकं काय घडलं हे जाणून घेण्याची ज्याला त्याला उत्सुकता होतीच. मात्र प्रकार कळताच संपूर्ण परिसर हादरला. वाचा काय घडले?

अशी आहे घटना

तालुक्यातील बोकटे येथे सायंकाळच्या सुमारास कोळगंगा नदीच्या किनाऱ्यावरील विहिरीत महिलेचा मृतदेह आढळल्याने बोकटेसह परिसरात खळबळ उडाली. याप्रकरणी येवला तालुका पोलिस ठाण्यात आकस्मिक मृत्यूची नोंद झाली. मृत महिलेची ओळख पटली असून, ही महिला सायगाव येथील मेंढपाळ व्यवसाय करणाऱ्या मुक्ताबाई दत्तात्रय भालेराव (वय ३१, हल्ली मुक्काम अंदरसूल) कुटुंबासह बोकटे परिसरात मेंढ्या चरण्यासाठी घेऊन आली होती. बोकटे येथील कोंबडवाडी शेजारीच तात्पुरत्या स्वरूपात पाल तयार करून राहत होती. 

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास

घटनेची माहिती मिळताच बोकटेचे पोलिसपाटील सुरेश दाभाडे यांनी तालुका पोलिसांना माहिती दिल्यानंतर पोलिसांनी तत्काळ घटनास्थळी धाव घेत ग्रामस्थांच्या मदतीने महिलेचा मृतदेह विहिरीबाहेर काढला. पंचनामा करून मृतदेह विच्छेदनासाठी ग्रामीण रुग्णालयात पाठवला. मृत्यूचे कारण अद्यापही स्पष्ट झालेले नाही.  

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला