मनमाड (नाशिक) : आरती ह्या मुलगी हर्षदासोबत महाराष्ट्र एक्स्प्रेसने अमरावती ते पुणे प्रवास करत होत्या. तेवढ्यात बोगीत त्या मायलेकींकडे लक्ष ठेवून असलेल्या भामट्याने डाव साधला. अन् त्याने केला धक्कादायक प्रकार की त्या भामट्यासह ती महिलादेखील धावत्या गाडीतून खाली पडली. वाचा नेमके काय घडले?
अशी आहे घटना
हर्षदा दळवी (२४, पुणे) व आरती दळवी (६५, कोंढवा, पुणे) या मायलेकी शनिवारी (ता. 1) महाराष्ट्र एक्स्प्रेसने एस पाच या आरक्षित बोगीतून अमरावती ते पुणे असा प्रवास करीत होत्या. रात्री नऊ वाजता ही गाडी मनमाड स्थानकातून सुटली. संशयिताने बोगीत शिरून त्यांच्या आईच्या हातात अडकविलेली पर्स जबरदस्तीने ओढली. धावत्या गाडीतून चोरटा खाली उतरत असताना आरती यांनी जोरदार प्रतिकार केला. पण चोरटय़ाने त्यांनाही ओढल्याने त्या धावत्या गाडीतून खाली पडून जखमी झाल्या. आरडाओरडीमुळे प्रवासी धावून आले. त्यांनी साखळी ओढून गाडी थांबविली. जखमी महिलेस गाडीत बसवून घेतले.
हेही वाचा > नियतीची खेळी! एका मित्राला लागली हळद ,तर दुसऱ्याला दिला अग्नि; अक्षयच्या अवेळी जाण्याने परिसरात हळहळ
जखमी संशयितास अटक
याबाबत हर्षदाने गाडीत तिकीट तपासनीसाकडे लेखी तक्रार केली. त्यावरून लोहमार्ग पोलिसांनी गुन्हा दाखल केला. जखमी संशयित आकाश मोरेला (२०, मनमाड) लोहमार्ग पोलिसांनी पकडून मुद्देमाल हस्तगत केला आहे.
हेही वाचा > माहेरहून सासरी निघालेली विवाहिता चिमुकलीसह प्रवासातच गायब; घडलेल्या प्रकाराने कुटुंबाला धक्काच
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.