मनमाड (जि. नाशिक) : शहरापासून जवळच असलेल्या अनकवाडे शिवारात असलेल्या खडी क्रेशरवर काम करीत असताना जेसीबीवरून पडल्याने हाता- पायाला आणि डोक्याला गंभीर जखम होऊन तरुणाचा जागीच मृत्यू झाला. मनमाड- येवला रोडवरील अनकवाडे शिवारात कोळपकर यांच्या खडी क्रेशरवर रोहित भाईदास चव्हाण (वय ३५, रा. वसंतनगर, अंकईबारी) हा रविवारी (ता. ५) सकाळी सातच्या सुमारास जेसीबीवर काम करीत असताना पडला. गंभीर दुखापात झाल्याने रोहितचा मृत्यू जागीच झाला. त्याच्या पश्‍चात आई, वडील, तीन भाऊ, दोन बहिणी, पत्नी असा परिवार आहे. याप्रकरणी मनमाड पोलिस ठाण्यात गुन्हा दाखल असून, पोलिस कर्मचारी एस. के. सुरासे तपास करीत आहे.