नाशिक : (नाशिक रोड) 'माझ्या गाडीचे पेट्रोल संपले आहे, तू पटकन पेट्रोल घेऊन ये' समोरुन मित्राने फोन केल्याने आदित्य लगेच निघाला. बोलविल्या ठिकाणी पोहचल्यावर काही बोलायच्या अन् विचारायच्या आतच...अंगावर काटा आणणारी घटना 

अशी आहे घटना

आदित्य हेमंत देवरे (रा. देवळालीगाव) घरी टीव्ही बघत असताना त्याला सायंकाळी साडेसातच्या सुमारास किरण असतोर याने फोनवर सांगितले, की माझ्या गाडीचे पेट्रोल संपले आहे, तू तातडीने पेट्रोल घेऊन ये. परंतु आदित्यने सांगितले, की मी मित्राला पाठवतो. परंतु किरण म्हणाला, की तूच ये. त्यामुळे आदित्य दत्तमंदिर रोडवर असलेल्या सुराणा हॉस्पिटलजवळ येताच त्याला टोनू म्हस्के, किरण असतोर, किरण कसबे व त्यांच्या आणखी एका साथीदाराने चारी बाजूंनी घेरले व काही विचारण्याच्या आतच कोयता व तलवारीने सपासप वार करून गंभीर जखमी केले. 

हेही वाचा > घरभाड्याची मागणी करताच भाडेकरूने घरमालकासोबत केला "धक्कादायक" प्रकार! परिसरात खळबळ; काय घडले वाचा

पोलिस ठाण्यात गुन्हा दाखल

जखमी आदित्य देवरेच्या नातेवाईक सीताबाई देवरे यांना ही घटना समजताच त्यांनी तातडीने नातेवाइकासोबत घटनास्थळी येऊन रक्ताच्या थारोळ्यात गंभीर जखमी झालेल्या आदित्यला रिक्षातून उपचारासाठी रुग्णालयात दाखल केले. सीताबाई देवरे यांच्या तक्रारीवरुन उपनगर पोलिस ठाण्यात टोनू म्हस्के, किरण असतोर, किरण कसबे व त्याच्या साथीदाराविरुद्ध उपनगर पोलिस ठाण्यात गुन्हा दाखल झाला. पोलिसांनी किरण असतोर, किरण कसबे यांना ताब्यात घेतले. 

हेही वाचा > वाद सोडवणे बेतले दोघा भावांंच्या जीवावर! पोलीस कॉन्स्टेबल ठरणार घटनेचे महत्वपूर्ण साक्षीदार; काय घडले नेमके?

संपादन - किशोरी वाघ