Nandurbar Crime News : आंजने (ता. नवापूर) येथे चिंचपाडा वन विभागाच्या पथकाने सामसिंग रामसिंग कोकणी यांच्या घराची सर्च वॉरंटने झडती घेतली असता घराच्या पडवीला, आजूबाजूला अवैधरीत्या साठवून ठेवलेला लाकूडसाठा मिळून आला. (Nawapur forest department seized illegal timber nandurbar crime news )

शेतात असलेल्या घराजवळ जाऊन पाहणी केली असता विनापासी सागी इमारती लपविलेला लाकूड माल मिळाला. तो जप्त करून नवापूर वन आगारात जमा केला.

जप्त माल साग चौरस ६० नग, खुर्ची फालके ६ नग अशा एकूण ६६ नग लाकडाची बाजारभावानुसार अंदाजित किंमत दोन ते अडीच लाख एवढी आहे.

चिंचपाडा (ता. नवापूर) वनक्षेत्रात मिळालेल्या गोपनीय माहितीवरून नंदुरबार सहाय्यक वनसंरक्षक प्रादेशिक व वन्यजीव, वनक्षेत्रपाल चिंचपाडा, गस्तीपथक शहादा या वन विभागाच्या पथकाने कारवाई केली.

यात सहाय्यक वनसंरक्षक धनंजय पवार, चिंचपाडा वनक्षेत्रपाल मंगेश चौधरी वन विभागाच्या कर्मचाऱ्यांचा समावेश होता.