धुळे : शहरातील वातावरणात सतत बदल होत आहे. गेल्या आठवड्यात दोन दिवस कडाक्याची थंडी पडली. किमान तापमान ५ अंश सेल्सिअसवर आले होते. आता थंडी कमी झाली आहे. त्यामुळे तापमान १८ अंश सेल्सिअस झाले आहे. ढगाळ वातावरणामुळे थंडी पुन्हा गायब झाली आहे. त्यातच बुधवारी (ता. १४) दुपारी पावसाच्या हलक्या सरी कोसळल्या. परिणामी, उकाड्यात वाढ झाली.
मध्यंतरी दोन दिवस रात्रीचे तापमान १० अंशांपेक्षा कमी झाले होते. त्यानंतर किमान ११, तर कमाल तापमान ३२ अंश सेल्सिअसवर आले आहे. ढगाळ वातावरण १६ डिसेंबरपर्यंत राहण्याचा अंदाज हवामान विभागाने व्यक्त केला आहे. शहर व परिसरात बुधवारी पावसाचा शिडकावा झाला. वातावरणात अचानक बदल झाला आहे.
हेही वाचा: संयुक्त नावावरील गृहकर्जातून होईल प्राप्तीकराची बचत...
दोन दिवस पावसाची शक्यता वर्तविली आहे. त्यामुळे थंडीचे प्रमाण कमी होऊन बुधवारी किमान तापमानाचा पारा जवळपास ७ अंशांनी वाढला. गेल्या वर्षी डिसेंबरमध्ये हवेचा वेग कमी असताना १३ अंशांपेक्षा कमी पारा आला नव्हता. मात्र, यंदा पारा ५ अंशांपर्यंत खाली घसरून काही प्रमाणात हवेचा वेग होता. यामुळे गारठा अधिक जाणवत होता. शनिवारी वाऱ्याचा वेग कमी झाला होता. मात्र, बोचरी थंडी जाणवत होती. रविवारी (ता. ११) ढगाळ वातावरण निर्माण झाल्याने किमान तापमानात वाढ होऊन थंडी कमी झाली.
नोव्हेंबरप्रमाणे डिसेंबरमध्ये प्रत्येक आठवड्यात वातावरणात बदल होत आहे. त्यामुळे काही दिवसांत थंडी व काही दिवस ढगाळ वातावरणाचा नागरिकांना सामना करावा लागत आहे. याचा आरोग्यावर परिणाम होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.