चिमठाणे : येथील निशाणे रस्त्यालगतच्या गाव शिवारात मंगळवारी (ता. २८) रात्री आठच्या सुमारास गहू पिकासाठी पाणी देण्यासाठी मोटारसायकलवर सालदार जात असताना अचानक बिबट्याने हल्ला केल्याने हातावर व पायाला पायाचा पंजा मारल्याने किरकोळ जखमी केले आहे.

बुधवारी (ता. २८) सकाळी वन विभागाचे कर्मचारी यांनी गावशिवरात भेट दिली आसता पायाच्या पंजावरून मादी बिबट्यांचे व दोन-तीन बछडे असल्याचा कयास लावण्यात आला आहे. (Soldier injured in leopard attack dhule news)

हेही वाचा : क्रेडिट कार्ड वापरताय...मग या गोष्टी माहिती हव्याच....

येथील गावशिवरातील शेतात सोमवारी (ता. २६) रात्री गहू पिकाला पाणी देण्यासाठी गेले असता मक्याच्या शेतात रात्री एक-दीडच्या सुमारास बिबट्याच्या हल्यात रानडुकरचा फडशा पाढल्याचे प्रथम दर्शनी पाहणारया शेतकरी व मजूरानी सांगितले. बिबट्याचा परिसरात शेतशिवारात वावर असल्याने रात्रीपाळीत विहिरीचे व पाटांचे पिकांना पाणी भरणारया शेतकरी व सालदार भयभीत झाले आहेत.

मंगळवारी रात्री आठच्या सुमारास येथील शेतकरी योगेश ऊर्फ बाळू वंजी वाणी यांचा सालदार कैलास ऊर्फ सिधी नुरमल पावरा (वय २८, नवादेवी, ता. शिरपूर) गहू पिकास पाणी देण्यासाठी मोटारसायकलवर जात असताना अचानक बिबट्याने हल्ला केल्याने उजव्या हाताला व पायाला पंजा मारल्याने जखमी केल्याने त्याला चिमठाणे येथील प्राथमिक आरोग्य केंद्रात डॉ. पावरा यांनी प्राथमिक उपचार केला.

बुधवारी सकाळी शिंदखेडा वनविभागाचे वनरक्षक भरत बोरसे, वनमजूर छोटू कोळी व जितू गिरासे यांनी घटनास्थळी भेट दिली असता मका व पपईच्या शेतात मादी जातीचे व दोन- तीन लहान बछडे यांचे पंजे असल्याची शक्यता आहे. बुधवारी सायंकाळी चार नाइट ङिव्हीजन कॅमेरे बसविण्यात येणार आहेत.