नाशिक : पेठरोडवरील शरदचंद्र मार्केटमध्ये उसनवारीच्या पैशांच्या व्यवहारातून बाचाबाची होऊन संशयितांच्या टोळक्‍याने दोघा भावांना बेदम मारहाण केल्याचा प्रकार घडला. याप्रकरणी परस्परविरोधी गुन्हे पंचवटी पोलिसात दाखल झाले आहेत.

झाले असे की...

संशयित गुलाम रसुल महंमद अहमद सिद्दीकी (30, रा. जीवन विकास सोसायटी, भाभानगर), अभिषेक जयेश पुरोहित (24), निसार हसर शिराजिद्दीन (25), रामप्रसाद प्रद्युमन बिंद (22), रमेश उदय प्रसादराव (37) अशी संशयितांची नावे आहेत. सतिश उर्फ पिंटू भृगनाथ गुप्ता (रा. कर्णनगर, पेठरोड) यांच्या फिर्यादीनुसार, जिनक पासवान यांच्यात उसनवारीच्या पैशांचा आर्थिक व्यवहार होता. ते पैसे घेण्यासाठी संशयित गुलाम सिद्दीकी आला असता, त्यावेळी सतिश गुप्ता यांनी, सदरचा व्यवहार आमच्या दोघात आहे. त्यात तू बोलू नको असे सांगितले. त्याचा संशयितास राग आला आणि त्याने गेल्या रविवारी (ता.22) सकाळी अकरा वाजेच्या सुमारास आणखी साथीदारांना गोळा करून आणले आणि सतिश व मंगेश गुप्ता या दोघा भावांना शिवीगाळ करीत लाथाबुक्‍क्‍यांनी मारहाण केली.

हेही वाचा > धरणावर फिरायला आलेले पर्यटक गाडीपाशी गेले..अन् गाडीत पाहिल्यावर धक्काच...कारण..

तसेच, लाकडी दांडक्‍याने मारून संशयितांनी मंगेश गुप्ता याच्या दोन्ही हाताचे हाड मोडले. तर, गुलाम सिद्दीकी याच्या फिर्यादीनुसार, संशयित सतिश गुप्ता याच्याकडे प्लॅस्टिक विक्रीच्या उधारीचे पैसे मागितले असता त्याचा राग येऊन संशयित सतिश गुप्ता (40), मंगेश गुप्ता (28), सुरेश गुप्ता (22), धर्मेंद्र गुप्ता (19), विवेक झा (18) यांनी शिवीगाळ करीत बेदम मारहाण केली. याप्रकरणी पंचवटी पोलिसात परस्परविरोधी गुन्हे दाखल करण्यात आला आहे. सहाय्यक उपनिरीक्षक शिंदे तपास करीत आहेत. 

हेही वाचा > शिक्षकाच्या खोलीतून वाफा बाहेर येत होत्या... त्यांनी खिडकीचा कप्पा उघडून पाहिला तर धक्काच!

हेही वाचा > पक्षातून फुटलेल्यांना पदे...अन् आम्हाला फक्त शिस्तीचे धडे काय?