निमगूळ (जि. धुळे) : सोनशेलू (ता. शिंदखेडा) व परिसरात शनिवारी साडेनऊच्या सुमारास अवकाळी पावसाने (Unseasonal rain) हजेरी लावली.

यात वादळी वारे, विजांचा कडकडाट, व जोरदार पावसाने गहू, हरभरा,ज्वारी, मका या काढणीला आलेल्या पिकांचे मोठ्या प्रमाणावर नुकसान झाले. (Unseasonal rain Rabi losses due to bad weather in area including Sonshelu dhule news)

शेतकऱ्यांच्या तोंडाशीत आलेला घास अवकाळी पावसाने हिरावल्यामुळे शेतकऱ्यांचे अश्रू अनावर झाले आहेत. काढलेला माल व गुरांसाठी जमा केलेला चारा हादेखील ओला झाल्याने तो झाकण्यासाठी शेतकऱ्यांची रात्री एकच धांदल उडाली.

अगोदरच कमी पावसामुळे खरीप हंगामात मोठ्या प्रमाणावर शेतकऱ्यांचे नुकसान झाले होते, पण अवकाळी पाऊस आल्यामुळे रब्बी हंगामातदेखील शेतकऱ्यांचे मोठ्या प्रमाणावर नुकसान झाले.

हेही वाचा : तुमच्याकडं कागदी स्वरुपातले शेअर आहेत? मग हे वाचाच....

या नुकसानामुळे शेतकरी हवालदिल झालेला आहे. नुकसान झालेल्या शेतकऱ्यांचे पंचनामे करून शेतकऱ्यांना आर्थिक मदत मिळावी, अशी मागणी सोनशेलू सरपंच प्रतिनिधी धीरज बडगुजर यांनी केली आहे.