पिंपळनेर (जि. धुळे) : येथील अग्निवीर हिंदू (Hindu) संघटनेच्या सतर्कतेने ४५ गोवशांना जीवदान देण्यात आले. अग्निवीर हिंदू संघटना महाराष्ट्र राज्याच्या गोरक्षकांना मंगळवारी (ता. १४)

दुपारी तीनला नवापूर-पिंपळनेर मार्गावरील पिंपळनेर बायपास मार्गावर चारचाकी वाहन (जीजे १८, बीटी ६०५६) निदर्शनास आले. (Vigilance of Agniveer Hindu organization saved lives of 45 cows dhule news)

या वाहनाचा पाठलाग केला असता वाहनात गोरक्षकांना गोवंश असल्याची माहिती मिळाली. त्यानुसार पिंपळनेर-सटाणा मार्गावर वाहन थांबविण्याचा प्रयत्न केला असता भरधाव वाहन ताहाराबादच्या दिशेने गेले. ताहाराबाद चौफुलीवर गोरक्षकांनी वाहन थांबविले असता त्याच्या कंटेनरमध्ये ४५ जिवंत म्हशी आढळल्या.

हेही वाचा : अल्पमतातील निवाडे आणि सामान्य माणूस

त्यांनी त्वरित जायखेडा पोलिस ठाण्यास माहिती कळविली. त्यानंतर अग्निवीर हिंदू संघटन महाराष्ट्र राज्याचे अध्यक्ष ज्ञानेश्वर महाजन, गुरू पाटील, मयूर कासार, भरत जगताप, पंकज वानखेडे, पीयूष कोठावदे, वैभव बच्छाव, राकेश अहिरे, तुका अहिरे, अजय पगारे, मोहन शेवाळे, विशाल गवळे, बंटी शिंदे, शुभम वाघ, गणेश खैरनार, विक्की मुंडा या गोरक्षकांनी गोवंशांना जीवदान देण्यास सहकार्य केले.