Dhule Accident News : रावेरहून (ता. धुळे) शहराकडे येणाऱ्या दुचाकीने समोरील ट्रेलरला धडक दिली. त्यात दुचाकीवरील महिला रस्त्यावर पडली.

तिच्या डोक्यावरून ट्रेलरचे चाक गेल्याने तिचा जागीच मृत्यू झाल्याची घटना बुधवारी (ता. १९) सकाळी घडली. (woman died on spot in bike trailer accident dhule news)

सचिन संतोष महाजन (रा. रावेर, ता. धुळे) पत्नी गायत्री (वय ३०) हिच्यासह दुचाकीने (एमएच १९ बीझेड ०२१९) रावेरहून धुळ्याकडे येत होते.

पारोळा रोडवरील एका हॉटेलजवळ सचिन महाजन यांचे दुचाकीवरील नियंत्रण सुटल्याने ते ट्रेलरला (जीजे १२ बीआय ३३२०) धडकले.

हेही वाचा : Credit Card फसवणूक....काय घ्याल काळजी?

या अपघातात दुचाकीवरील गायत्री महाजन रस्त्यावर पडल्या. त्यावेळी ट्रेलरच्या मागचे चाक त्यांच्या डोक्यावरून गेल्याने त्यांचा जागीच मृत्यू झाला.

याबाबत माहिती मिळताच तालुका पोलिस ठाण्याचे निरीक्षक प्रमोद पाटील, अनिल महाजन, दिनेश देवरे, प्रमोद पाटील, संतोष वाघ व बाळापूरचे पोलिस पाटील राहुल पाटील घटनास्थळी दाखल झाले. याबाबत धुळे तालुका पोलिस ठाण्यात नोंद झाली.